عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
يعلم الله إني ماسجلت بالمنتدى ألا علشان هالقسم
وبعد ماجفت تعاونكم مع بعض ونصايحكم الزينه اللي تعطونها كل شخص
قلت أسجل وعسى تنصحوني نصيحه زينه
لآني والله والله والله محتاجتها حيييل
حيرانه وضايعه ومب عارفه شسوي !
شوروا علي
عمري 17 سنه وإنا فأخر مرحلة لي فالثانوية يعني مرحلة حساسه وايد
يبيلي أركز فيها من قللب
مب هني المشكلة
المشكلة أنه إمي توها متوفيه الله يرحمها وهي وإبوي مطلقين من زمان
وأحنا عايشين عند أمي فبيت مب لنا ( أجار سنوي )
ولما توفت رحنا عند خالتي وقعدنا عندها لآنها أقرب لنا من أي حد ثاني
بس أبوي مب راضي نقعد فبيت ريال غريب . .
والله يعلم إنه هالغريب أقرب لنا بواييييييييييييييييييييد منه !
من صغرنا مايدري عنا
جاتنا أيام نمووووت من الجوع ونصييح من العطش ومانلاقي شي ناكله
تمر علينا أعياد ؛ آمي تحفررررررررر فالصخر علشان الرييييال وتلبسنا اليديد علشان نفرح بالعيد حالنا حال باقي اليهال . . وتكتفي هي بأحسن شي عندها وتلبسه من القديم
يتمنا وهو عايش
بالعربي كانت إمي هي الأب والأم لنا
طلاق أمي وأبوي كان ( خلع ) بسبب الضرر اللي صاد أمي منه
كان يضربها بوحشيه ويسكر ويشرب
كسر لها خشمها وضروسها وحتى ظهرها حذف عليها الأثقاال اللي يرفعها !
وكان ناوي يحذفها بالتلفزيون بعد
ويقول بذبحج وبكمل على بناتج
فصغرنا ؛ كانت تجينا أيام نقوم من النوم نلاقي الشرطه عند راسنا , تخيلوا !
نفتح عينا على شرطي واقف عند راسنا يقومنا ويمسكنا لبيت جارتنا علشان سلامتنا
وإبوي يكون شارد من البيت بعد ما تغرق غرفة أمي من دمها
فتطلقوا بسبب هالأضرار
ولما كنت فسادس أبتدائي
جانا وبالحيله خذى منا الجوازات على أنه بيجددها لانها كانت منتهيه وبيردها لنا
ولهلـ يوم ماجفناها
والله . . و هو اللي شاهد على كلامي
أني ماقدرت اكمل دراستي ألا بعد ماتتعب أمي وهي تترجاهم وتشرح لهم ظروفنا
وحتى اللحين فالثانوية مادخلتها ألا بسبب أنه نسبتي مرتفعه ! وخلوا أمي الله يرحمها تكتب ورقه على نفسها علشان بس أدخل
مانقدر نسافر
ودارستنا مانكملها ألا بعد حب خشووووم والسبب من ؟
إبوي !
واللحين بعد ماتوفت أمي وعقب كل هالسنين اللي تبهدلنا فيها بهدله
جا وخذانا علشان نقعد ببيت يدتي يقول ذاك بيتكم وماأرضى تقعدون عند ريال غريب
هالريال الغريب كان يصرف علينا
ويجيب لنا اللي هو يتعيز عنه
هالريال الغريب كان الأبو لنا حتى لو ماكان قريب
بينما هو ولا عمره أهتم
يتقرب منا جم يوم وجم أسبوع وبعدها يطلع مشكلة من تحتتتتتتتتت الأرض علشان يرجع يغيب من يديد عنا
ومايعرف يتفاهم معانا ألا بالصرااااخ والهواااش
مايعطينا فرصه أنتكلم ونقوووول
دايماً يسكتنا ويقول هو اللي يبي يقوله ورضينا وله أنرضينا . . غصباً علينا نقتنع فيه
أول يوم توفت فيه آمي
كانوا توهم مطلعينها من الصالة ماكملت يمكن الـ 15 دقيقة ! أو يمكن أقل
ألا هو جاي مادري شلون درى
حظنا بحظن بااااااااااررد وقال ( تبون تقعدون هني 3 أيام وتجون معاي , وله تقعدون أسبوع وتجون )
بذمتتتتتتتتتتتتتتكم هذا أبو
اللحين المتوفيه آمي
آمي !!
ويقول هالحجي
بدل لا يطبطب علينا ولو في قلبه كلام مثل هذا يأجله
حتى لو يقوله العصر مثلاً
بس مب فهلـ لحظة
قد ماأقدر احاول ماأكررررهه بس أحسه يبينا نكره بأي طريقة
قعدنا أسبوعين وشوي فبيت يدتي ماذقنا لراحه طعم
مقعدنا فغرفة صغيرة فيها تلفزيون وسرير وكراسي حق القعده
يمكن حتىآ الخدامات غرفتهم أرقى
غرف عماتي مرتبه وشحلاتها
ألا هالغرفة اللي أحنا فيها !
حتى مره لما رجعنا من بيت خالتي لقينا الخدامات راقدين فيها ع الأرض فارشين لهم !!
هذي عيششششه ؟؟؟
طول عمرنا وعلى أنه مستوانا المالي محدود
ألا أنه أمي وفرت لنا كل شي وخلتنا معززين مكرمين
واللحين نتعامل جذذذذذذذذذذي !!!!
الناس رمضان ومب راضي يريحنا لو ع الأقل فهلـ شهر
كل شوي يفتح لنا موضوع شهادة الموفاة
يبينا نجيبها من عند خالتي علشان تتحول فلوس أمي لحسابه وعلى قولته بيصرف علينا من فلوسها
لآنه مايشتغل وماعنده بيت
وأحنا مانبي فلوسها تتحول لحسابه لآنه عارفين لو جفنا منها شي أول شهرين ماراح نلمح فلس باقي الأأشهرررررر
واللحين أحنا قاعدين ببيت خالتي ومانبي نرجع هناااااك لآنه جد جد مب مرتاحين بالقعده هناك
طول اليوم فالغرفة محد يطق علينا الباب ويسأل عنا وعن أحوالنا
اللهم لما يأذن المغرب نطلع نفطر ونرجع غرفتنا ونتم لين يجي أبوي يودينا لخالتي
وأمس هاوشنا فالسياره هواش مب صاحي مثل كل مره علشانا قلنا له خلنا فبيت خالتي
مانبي نطلع من عند خالتي
وهو ناوي يجي اليوم ع 10
وندري راح يسوي سالفة وبيحشرنا
وإظن السالفة بتنتهي فالمحكمه
لآنه هو غصب طيب يبي الفلوس تجي لحسابــة
وآحنا مانبيها تجي لحسابه
فمادري شسوي
أنا وأختي مانبي نطللللع مانبي نروح معااااااااه
زهقنا وأحنا كل يوم ننزل من سيارته نصييييييييييح
وراي ثانوية عامه ولآزم أركز عدل
ماظنتي راح أقدر أدرس وأركز وسط هالمشاكل اللي أبوي يختلقها !!!
شورووا علي
أنصحوووني
مب عارفه شسوي
خايفه يجي ويحتال علينا نفس المره اللي طافت وياخذنا معاه بالحيله ويصدمنا أنه كل اللي قاله لنا جذب
بالمره الأولى قلنا مانبي نطلع وسوا شوشره برىآ وأتصل لنا ثاني يوم وقال بوديكم لعمتكم تعزونها فريلها ( اللي متوفي قبل أمي أصلاً )
ولما ركبنا معاه
صدمنا أنه مودينا بيت يدتي
تكفووووووووووووووووووووووووووووووووووووووون
شورووووووووووا علي
والله أني ضايعه ومب عارفه شسوي
ماأبي أعقه . .
وبنفس الوقت ماأبي أسسسوي شي أدري أنه غللط
كذا مره أستخرت ودايماً جيته لنا تتأجل
وكل مارددت ( اللهم أني أسألك خير مافي . . . )
يصير شي وتتأجل جيته
شمعناته هذا كله !!!!!!
أنتظركم لا تتأخرون علي
وسوووووووووري لو كان كلامي داخل فبعضه
بس والله أتكلم من القهر والحره
مب عارفه شسوي
ضايعه
