عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
الحمد الله رب العالمين
اللهم صل على محمد وآل محمد
ابي اقول لكم مشكلة صارت في العائلة وتقولين لي رايكم فيها
هل احنا غلطانين او لا
السالفة انه اختي مخطوبة
وكانت تبي تحدد يوم للزواج وفي هالفترة توفى زوج عمتي الله يرحمه ان شاء الله
وصار انهاا اجلت الزواج لبعد مايتم زوج عمتي 40 يوم
المهم ورحنا اني واختي نحسب متى يتم الاربعين وتم تحديد يوم الزواج
وراحت اختي وحجزت كلشي من فستان والصالون وصالة وباقة واستيديوا …والخ وكلشي اندفع له عربون
والمهم فجاة وقبل الزواج بكم يوم جاني اتصال من ابوي يقول لي انه عمتي الي رجلها توفى مو راضية انه احنا نسوي زواج اختي
اني قلتة خلاص مايصير ناجل كلشي انحجز واندفع له عربون ولو تاجل راح يخسرون اختي وخطيبها كثيررررررررررر
المهم ضلينا على راينا وسوينا الزواج
وكان النتيجة انه بعض عماتي طلعونا غلطانين والمفروض انه مانسوي زواج
والي مااجى الفرح لانة خايف على اخته لاتزعل لو اجت <<<<الى هالدرجة الفرح حرااام بعد الميت
او لو اجلنا راح يرجع يعيش خلاص الله يرحمه
انزين وخطيب اختي مو راضي ياجل لانة قريب رمضان
وقال الى اختي هو مو قريب منكم واجد لو قريب انجان اجلنااا قبل لانحجز كلشي
واليوم ولد عم ابوي متوفى وكنا اني وامي هنااك
وكانت هناك وحدة من عماااتي
الا تقول الى امي ليش ماجلتونه ومن هالكلام امي ماعرفت ترد وقالت على العروس والمعرس يبون جذي
بس عقب مامشت عمتي كانت بنتها هناااك
تكلمت معاها
وقلت لها الي قالت اجلوه لو هي بنتها الي بتتزوج مااراح ترضى انه تخسر خساير وتحجز وتدفع كلشي وبالاخير يتاجل الزواج ويروح علهيا فلوس
وقلت لها الي قالت اجلوا الزواج وصلي اليها هالكلام
ولو عمتي تكلمت جدامي كان برد عليها ولا بستحي منهااا
الحين اختي تزوجت وكان زواجها اسبوع الي طاااف
يعني الي سوينها غلط
