شوفو يابنات قصتي لمن كنت في الصين وش صار لي

حبيت اتكلم كيف نحس بنعم الله وكيف انها من جد نعمه كبيره لمن تحصلي اكل او لبس او بيت او او او المهم نعم الله كثيره ونحمده ونشكره عليها
بس اللي اقصدو ياترى حمدنا الله على اتم وجه

شوفو قصتي يابنات واحكموا

اتذكر نفسي وقت الاكل اكل قليل مااكل كثير اول شي نفسيتي ماتشتهي الاكل الكثير وكنت اقول في نفسي بعد ساعه حرجع اكل
وهكذا

المهم تزوجت والله كتب لنا بعثه للصين عاد هناك اكلهم حرام وكلو صراصير وقرف الله يكرمكم 😆 🙂

في البدايه طبعا ماحصلنا سكن كنا في فندق وطبعا مافي مطبخ عاد شوفوني كل يوم استشهد من الجوع ههههههههه جيبت لي بسكوت برضو مايشبع:D
قعدنا شهر في فندق تخيلو عشان ندور لنا سكن عاد تخيلو بطني وقتها انا وزوجي تعبنا الحمد لله
وبعدها حصلنا بيت الحمد لله وسكنا فيه وذبحنا دجاج ولحم والحمد لله صرت اطبخ 😈
عاد هناك في السوبر ماركت حقهم مافي لاجبن لا قشطه لا زيتون لا ولا ولا.. مو زي عندنا في السعوديه اللهم صلي عالنبي تحسي نفسك اميره يارب لك الحمد
المهم قعدت اربعه شهور في الصين تخيلو يابنات ابغى اسوي حلى مافي المقادير ابغى اسوي عصير مافي المقادير ابغى اسوي هذا وهذا وهذا مافي مافي مافي خلااااااااااااااص اجلس ابكي حالتي حاله 😳
طبعا لمن رجعنا السعوديه وقت الاجازه شوفوني كيف اروح زي المفجوعه واكل اكل كأني كنت في مجاعه واهلي يضحكو عليا يقولو الغربه ادبتني 😎

المهم
سبحان الله يابنات الليوم صحيت الساعه 3 الليل وكنت شوي جيعانه وسبحان الله رحت المطبخ وقمت اسوي لي حلى واسوي لي عشا يارب لك الحمد
والله يابنات وانا اسوي لنفسي احس نفسي ملكه اميره وطول وقتي اقول الحمد لله الحمد لله <<شوي وابكي

والله يابنات هناك في غربتي ابغى اسوي ابدع مااقدر
هنا لمن جيت السعوديه ساعات اقول لأختي خلينا نسوي الحلى الفلاني تقولي مثلا مافي قشطه<<اقولها حرام عليك موجود في السوبر ماركت يعني لاتقولي مافي من جد حرام عليك ههههههههههههه<<صرت ادقق في الكلام
والله انكم في نعمه يارب لك الحمد الله يديمها نعمه طيبه يارب
من جد يابنات حسيت بنعم ربي بشكل فظيع حسيت لمن نتكلم ونقول مافي ومافي والله احسو دلع انتو في مدينة كلها مسلمين ماشاء الله اكلكم حلال مو زينا اي مكان نمشي فيه اكلهم فيه زيت الخنزير ولا يكون حرام

اااااااااااااااااه الحمد لله على نعمة الاسلام الحمد لله على نعمك ياالــــــــــــــــــلـــــــــــــــــــه
ودي اصرخ بأعلى صوتي واقول الحمد لله الحمد لله الحمد لله ياربي تستاهل الحمد

ان شاء الله اكون افدتكم حبيباتي زي ماانا استفدت واتعلمت من تجربتي ^_*