عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم اخواتي
كل رمضان وانتو طيببين والله يبغلنا رمضان
اخواتي ابغا استفسر منكم عن ريجيم وابغاكم تعطوني رايكم
طبعا دحين باقي اسبوع تقريبا على رمضان وقلت في دا الاسبوع اعمل ريجيم قاسي وفي رمضان حنظم
اكلي والريجيم الي حعملو دحين الي هوا
اليوم الاول : طول اليوم فواكه بانواعها ماعدا المانجو والتمر والعنب
اليوم التاني : خضار بانواعها ماعدا البطاطا
اليوم التالت : فواكه وخضار ماعدا الممنوع
اليوم الرابع : سمك مشوي او بالفرن
اليوم الخامس : لحم او دجاج مشوي بدون دهون
اليوم السادس والسابع :فاكهه صنف واحد طول اليوم
ها ايش رايكم تتوقعو اني حخس 5 او 7 كيلو خلال دا الاسبوع وفي رمضان اذا نظمت اكلي هل حخس كم
كلوااات مع العلم انو وزني 66 حاليا وابغا اخسس 15 كيلو خلال دا الشهر بامكاني او لا بليز قولولي
والله ينحفكم وينحفني ان شالله ردو علي باسرع وقت ممكن والله يعطيكم العافيه ويبغلنا رمضان جميعا …
