شوفو مستشفى فقيه إلي مايعرفو يشخصوا

السلام عليكم
أنا اليوم أبا أكتب إيش سار معايا من القهر
بس ما أبا أطول عليكم
إلي صار إنو عندي كان ألم مو طبيعي في ظهر وجنبي اليمين كنت أبكي منه ويوم الأحد أظن زاد الألم ومني قادرة أنام في الليل من شدة الألم ورحت المستشفى في الفجر الساعة 4 وجوزي مسكين وأختي يحسبوني رح أولد وأنا لسة ما دخلت شهري ورحنا طوارئ بسرعة طلعوني على غرف الولادة من غير حتى ما يكشفو عليا وطبعا نوموني في الغرفة وحطولي جهاز قياس الطلق وجلسوني أبو ساعتين وبعدين جاتني دكتور إسمها تغريد أخلاقها مرة مو حلوة بس الله يعين إلي كانو بيولدو في داك اليوم على يدها وشافت مافي طلق وقاستلي أتقت الرحم مسكوك وسابتني وخرجت وقالت خلينا نعملك أشعة ولطعوني لغاية الساعة 7 صبح وجاني دكتور تاني سوري بس ما أعرف إيش إسمو وبرضو كشف على بطني وشاف مافي طلق وشكلو ما عرف إيش عندي
وبعدين سوولي الأشعة والنتيجة كانت بعد ساعة المهم بعد الإشاعة قالي الدكتور حق الإشاعة إنتي بتتدلعي ودا ضغط البيبي على جنبك اليمين وطلعوني تاني غرفة الولادة ولما جات الدكتور بعد ما لطعوني كمان تقولي يمكن عندك إلتهاب في المهبل وأدوني مضادات حيوية وأبرة بسكوبان وبس قالولي خلاص مافيكي شي وقالولي لو أستمر الألم معايا رح يولدوني قيصري تخيلو وأنا في الثامن لسا وخرجوني من عندهم على الساعة 10 صبح ورجعت بيتي ونمت مع التعب وصحيت وجلست شويتين أحس الالم ما راح وكل مالو يزيد وفي النهاية جات الساعة 9 ليلي وأنا مني قادرة أستحمل والألم كل مالو يزيد أضعاف أضعاف وراح جوزي وداني عند دكتور يعرفوا طبيب عام
حزروا إيش طلع معايا مغص كلوي وسخنت من كترت الالم إلي جاني ؟؟؟؟وأداني مغزية وشوية أدوية

يعيني معقولة مستشفى كبيرة وعملولي كل الإجرآت دي وما عرفو حالتي ولو كنت شربت دي المضادات إيش كان رح يسير فيا ودكتورين كشفو عليا مهم عارفين المغص الكلوي معقووووووووووول ➡ بالله إيش رأيكم في دي المستشفى بس الله يستر لأني رح أولد فيها لنو الدكتور ما يولد إلا هناك أدعولي الله يخليكم ربنا يسهلي ولادتي الله يسعدكم