شوفو طاوله خطوبتى انا وخالتى ..؟؟ انشاء الله تعجبكم ؟؟

هاي احلى فروشات
حبيباتى انا واخالتى نفس العمر ندرس مع بعض من الابتدائي وكأننا روحين فى جسد واحد (تؤام روحى )<<<لايكثر بس
المهم انخطبت انا قبلها بسنه وهيا دحين مالها كتير وطبعا انا ليه سنه
المهم عملت خطوبه بسيطه فى البيت وجاء وقت ابداعى فى طاوله الخطوبه اولا فستانى كان (لونه نمرى )عملت الطاوله على نفس الفستان بنى ونمرى ..جبت شموع باشكال مختلفه ورد وقلوب والالوان وجبت ورد طبيعى ومجفف وجبت حطيت على الطاول بشكل دائري وفى النص القاتوه وحطيت عليه شموع القاتوه وحطيت فى الطرف باقة ورد طبيعى حطيت سكين القاتوه غلتها بالشرايط وحطيت الصحون والشوك وحطيت اكواب عصير ملبسه بطريقه جدا رايعه وحطيت تحت الاكواب مفارش حمراء ع شكل قلوب
وطبعا حطيت الدبل فى تحفه على شكل قلب صغير عبيتها بالورد المجفف والطبيعى وحطيت الدبل وحطيتها بين الاكواب طبعا لما دخل خطيبي المصوره موجوده ولعت كنت مولعه الشموع والاضواء مررره خافته وحاطه اغنية (الياس خلينى اعيش وانا بين ايديك ) وربي مسويه جو خياااااااااااال حتى المصور انبهرت منى الاجواء وقبل كدا طبعا مولعه فواحه برائحه الفراوله جونان وربي لحد دحين يتكلم عن السهره دى طبعا عملتها فى البيت ودى طاولتى قبل مااشغل الشموع
ودى بعد مااشعلت الشموع

دحين اجى لطاولة خالتى خاله كان فستانها فوشى وموف عشان كدا الطاوله بنفس اللون
حاطه نفس طاولتى بس اضافة مناديل مغلفه بطريقه حلوه وكل شئ عملتو عملت متلو خاله طبعا بمساعده مننا ساعدتنى وساعدتها
لكن لما دخل عليها خطيببها مغلين الفواحات ودخل على اغنيه
شيماء (لقيتك فين ؟؟) وربي الخطوبه البنت تبدع فيها
ترى الرجال يحبو الحركات دى ..
دى طاولة خالتى
طبعا الطاوله والشموع مولعه ماراح اقدر انزلها لانو صورنا طالعه هههه
واخيرا اتمنى تعجبكم طاولاتنا وبالتوفيق لكل البنات والفراشات الحلوات
واتمنى تقولو ارائكم فى الطاولتين والافكار ومين الاحلى بصراحه تبعى والا تبع خاله ..؟؟ودمتم بود 🙁