عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم يا احلى فراشات
اليوم بكتب لكم عن مشكلتي مع جارتي وياليت الاقي عندكم حل
جارتي تتسلف على قولها كل شي
تقول سلف ولا ترد شي
المهم تتسلف بصل طماطم زيت خيار بيض دقيق رز مو مشكله
اليوم دقت علي الصباح الساعه 9 صحتي من النوم تقول بالله ابغى من عندك دجاجه ابي اسوي الغداء مافي دجاج
غداء الساعه 9 الصبح يالله صباح خير
انا انصدمت اول مره تتسلف عاد دجاج
قلت لها طيب انا الحين نايمه اذا صحيت اشوف فيه دجاجه كامله ولا لا
قالت لا الله يسعدك ابي دجاجه كامله !! 😆 🙂
كل شي تطلبه مني
تتسلف البامبرز حقت ولدي وبنتي لاعيالها
تتسلف ملابس لولدي
تتسلف فساتيني
اخذت من عندي فستانين جديده والله واحد لبسو مره والثاني مالبسته ولا مره واخذتها وجلست عندها 7 شهور ماشفتها يوم سئلتها عنها قالت لي يختي انا اسمن منك وسعتها على مقاسي وصدقيني بتجي وسيعه عليك وخربت خلاص !!!
كمان عطر جديد حلو مرره جابو زوجي ليه وشمتو فيني وقالت اديني هوه بعطيه زوجي يجيب لي مثله لاني كتبت له اسمه ماعرفه واديتها والله مارجعته
كمان تتصل علي الساعه 2 ونص الليل امس تقول عندك خافض حراره تامبرا قلت لها لا عندي فيفادول قالت لا ابي تامبرا بالله خلي زوجك يروح يجيب لي من الصيديله ؟؟
قلت لها وزوجك وينه قالت والله نايم بعد عمري بكره عنده دوام !! ليش زوجي ماعنده دوام ولا نايم يعني؟؟
اخر صيحه في التسليف تقول بتتسلف لحاف عندي حلو
قلت لها لا لحاف لا ننام عليه وتاخذينه تنامون عليه مو حلو كذا قالت عادي بنغسله قالت سوووري انا ما اقبل
وكمان تقول تبي طقم ذهب سلف تلبسه بزواج اخوها وبترده قلت لها ذهبي كلو عند امي عشان تريحني
حنانه ماتستحي كل شي تطلبه طماااعه وزوجها بخييييييييييل
عمري في حياتي ماطلبتها شي عشان تحس وتستحي لاكن ان لم تستح فاصنع ماشئت
لمن اقول لزوجي يقول معليه تحمليها جيران والرسول وصانا في سابع جار
مزعجه ترسل بنتها علينا تجلس تدق الباب دقه وتدخل بيتهم دقه وتدخل بيتهم
مادري وش الحل معاها
مادري اقطعها ولا اكلمها واقلها بكل شي ؟؟
الله يعيني عليها يارب
افكر انقل من الشقه والله بسببها
