عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم يابنات ياصاحبات الذوق والاناقه ..
معليش العنوان كتبته عشان يجذبكم خخخخخخخ
المهم يابنات انا ساكنه بشقه صغيره على قدي وابغى اغير فيها لاني طفشت من الالوان تبعها واكيد كل وحده عارفه انو تغيير البيت كل فترة من الالوان للديكورات لها تاثير على النفسيه ..
المهم ابغى مساعدتكم في اختيار الالوان وكيفيه تنسيقها ..
انا عندب غرفتين مجلس حريم ومجلس رجال ابغى اغيرها ..
دحين بديت اركب جبس جديد في الغرفتين .. بس باقي الوان الجدار
غرفه الحريم .. الكنب اللي فيها خشب لونه بيج من تحت عليه نقش لونه بني غامق وقماش الكنب لونه بيج وعليه نفس النقوش باللون البني وشوي اصفر قريب للبيج .. ايش تقترحو عليا لون الجدار لانو لونه ابيض حاليا وابغى اصبغه لون جديد .. وكمان ايش لون الفرش ؟؟
مجلس الرجال لون الكنب اورنج مايل للاحمر شوي ساده يعني والكنب مو عالي ومتصل كمان كانو جلسه عربيه بس مرتفع شوي تقريبا نص متر عن الارض .. ايش لون الجدار برائيكم ؟؟ انا افكر احطه خربزي .. والفرش ايش تقترحو كمان؟؟
اما بالنسبه لمدخل الشقه مره ضيق صراحه اعتقد متر ونص ابغى اغير لون الجدار واحط مرايه بس اعتقد حيضيق المكان زياده والا ايش رايكم ؟؟
انا ما افهم بتنسيقات الديكور وابغى اخد راي الذويقات واللي يعرفو تنسيق الديكورات تساعدني ..
على فكره كل الشقه لون الجدران ابيض وليا خمس سنوات ماغيرت فيه شي 🙁
ساعدوني ولكم مني دعوه
