عالم البنات النسائي كل ما يخص المرأة العربية من ازياء وجمال والحياة الزوجية والمطبخ
سلام عليكم
كيفكم بنوتاات
السالفه ياحلوين
امس رحت السوق على اساس اقضي لنفسي شوية اغراض واصلا ماكان عندي فلوس كفايه ياادوب تكفي اغراضي
المهم وانا اتمشى الا واشوف افضل واحلى محل يعجبني ودايماا يشدني
<مذركير> قلت يابنت ادخلي تمشي وتفرجي في اغراض النونوهاات
يالبيهم طعمهم يجننون
وانتقل من لبس للثاني وانا اتمنى وادعي يعجل باليوم الي اشوف فيه ولدي ولا بنتي
واتخيل الملابس عليهم واطقم واركب بلوزه على بنطلون
وفستاان على جزمه
وتي شيرت على جنز
واتمشى
الااشوف الاجهزه واتنقل بينهم
والا اشوف الاسره يازينهم
وشوي واشوف المفارش يووووه تجنن
والي عليهاا عرض والي ماعليهاا المهم وتطيح عيني على مفرش يهبل
والله واروح الا مافيه عليه عرض
كان سعره 600 قلت في نفسي لو عليه عرض كان اخذته يجنن
المهم واروح وارجع عليه خلااااص روحي طلعت عليه
واخيرااا قررت اخذه واطنش كلللللللل شي
وفعلا اخذته يزنن يالله ترزقني
وزوجي جاني بالمحل الا يشوفني احااسب قاال لمين هذاا على باله هديه
قلت لباسل
قال وهو معصب من جاب ولد وسرق اسم ولدي
قلت انااااااااا وهو عارف اني مو حامل قاال شريتيه من جدك لك
قلت ايه لبسولي
انا على موعد اسوي تلقيح صناعي وقاعده اخذ ابر
وانشاالله الاسبوع هذا باسويه
قاال لي بدري انتظري شوي
قلت لو يجي بعد 10 سنوات
باشتريه حسيته مكتوب لولدي
وهو يطاالعني مستغرب ويضحك علي
يقول من جدك طيب واحتياجاتك واغراضك
قلت ماعاد ابي شي خلاص هههههه 😡
المهم بوريكم صوره وابغاكم تدعون لي ينجح معي التلقيح واجيب احلى باسل ياااااااااااارب
هذي صورته بشنطه
هذا المفرش
هذا الساتر ينحط على حواف السرير لحماية راس الطفل وكمان لخصوصية الزوجين 😆 🙂
وهذا صورته من قريب
هذي الميلايات
هذي البطانيه حلوه كبيره
وهذي صوره بعد
وهذي صورته من الموقع حقهم بس مختصر صغير انا حقي 6قطع
هاه وش رايكم بمفرش بسولي الي كلف امه 600 ريال ولا قد جاء خبر حتى حمله
على فكره ترا المفرش يناسب ولد وبنت يعني لو ماجاء باسل بيكون ل ميار انشاالله
شوفو كماليات المفرش وانشااالله ناويه عليها كلهاا ههه:) 💡
بالموقع حاطين خصم 20 يالميه بس عندنا لا قهرررر
