شوفوا صديقاتي ايش يسوا فيني

بسم الله الرحمن الرحيم
السلام عليكم ورحمة الله وبركاته
الصراحة ترددت كثير قبل لا اكتب مشكلتي بس توكلت على الله واللي شجعني ان الموقع هذا محل ثقة وارائكم ونصايحكم لما كنت اقراها احسها طالعة من قلوبكم بإخلاص مو نفاق او شي ثاني
وانامتوكلة على الله ثم عليكم في هالمشكلة
ما ادري من وين ابدأ وكيف اطرح المشكلة اخاف تفهموني غلط او يخوني التعبير هي مشكلتي مع صديقاتي ممكن تقولون المسألة بسيطة وانا مكبرتها لأن المسألة فيها صداقة
اول شي ودي اعرضلكم شخصيتي انا بنت بسيطة مااحب التكلف اخلص لغيري بكل جوارحي ما انتظر من احد انه يسويلي نفس اللي اسويله-اخدم الناس قد مااستطيع ما عمري خيبت ظن احد الحمدلله والله العظيم كل اللي اسويه مو للرياء ولا انتظر من احد شكر ماابي الا الأجر من الله سبحانه اولا واخرا ولا أبي الا الدعاء – احاول اني ما اجرح احد واذا حسيت ان احد حزين حاولت اني اقف معها واساعدها واتواصل معها وكل هذا من كل قلبي اراعي ظروف صديقاتي لأقصى حد ممكن .
طيب تقولون وش مشكلتي انا مريت بظروف صعبة لو اجلس شهر وانا اتكلم ما كفت
في السنين الأخيرة دخلت المستشفى اكثر من مرة وسويت اكثر من عملية كل سنة يصير فيني شي واللهم لا اعتراض والحمدلله هذا من غير مشاكل البيت وانعزالنا عن الناس كأننا في غربة ماادري وش اقول ما ادري كيف اوصف الحالة اللي فينا والمواقف اللي مريت فيها من مشاكل مابين ابوي وامي من جهه وبين اخوي الكبير من طرف ثاني وهذا غير اخوي اللي اصغر مني وهذا غير مشاكل امراضي ووفاة جدتي لأمي وانعزال امي حنا في ديرة واعمامي وخوالي في ديرة ثانية عشان كذا اقولكم اننا في غربة عندنا اقارب في الرياض بس وجودهم مثل عدمه عندهم بنات كبري بس الصراحة ناس يجيبون الضيقة يضحكون غصب يجتمعون غصب مافيه الفة منهم ولا شي بس كل هذا ماهمني منهم احد امي وابوي تعبانين من اخواني ( انا الحمدلله اخف من قبل لأني بديت اقرى على نفسي لأن كل اللي صارلي كان نفس عشان دراستي والحمدلله )لكن مشكلة اخواني مازالت اهلي يضيقون صدري ودي اسوي شي يسعدهم بس مو بيدي
وهذا كله ماقلت شي من ناحية التفاصيل وايش يسوي اخوي هذا المختصر
طيب تقولون وش دخل هذا بالصداقة
من بديت افهم الحياة وعرفت معنى الصداقة وانا احاول ادور صديقة مخلصة تسمعني واسمعها نتشارك بهمومنا مع بعض بس كثيييير انصدمت يا وحدة تصادقني عشان مصلحة او وحدة بس في حدود الدراسة ويوم سافرت للرياض ما كأنها تعرفني او وحدة وهي بنت عمي بنفس سني اكتشفت انها انسانة كذابة كل حرف تنطقة كذب بكذب ما تصدق ولا بشي واخر شي
اللي هو في الوقت الحاضر صادقت بالبداية اول ما دخلت الجامعة وحدة حسيتها عاقلة وانسانة ماعندها خرابيط ولا شي بس المشكلة انها كتوم ماتتكلم من ناحيتها بشي ابد احس بيني وبينها حواجز كثيرة عجزت اجتاز الحواجز هذي اقل شي ماتتواصل معي برى الجامعة ابد ايام الدراسة اذا رجعنا للبيت مستحييييييل تتصل علي اذا تبي شي ترسل رسالة رسالة طويلة عريضة يعني انا اقول في نفسي تستخسر المكالمة فيني عذرتها وقلت هي تشوفني في الجامعة يمكن تقول يكفي بس في الإجازات مستحيل تكلمني ما اتذكر اني اشوف رقمها داقة علي الا الصبح اذا جت للجامعة تسألني انا وين جالسة بسسسس وغير المكالمات هذي لا حتى في الأجازات ما تدق ترسل رسالة يمكن مرتين بس في الإجازة كلها لحد بداية الترم وترسل تسألني رح اجي للجامعة ولا لا ( بالله مو شي يقهر طبعا انا تصل عليها ما اصبر)يعني انا شتاق لهم اتصل احب اسمع اصواتهم ليش ما تسوي كذا يعني ما تعزني ما تشتاق تسمع صوتي مو مرة ولا مرتين من عرفتها لنا ثلاث سنوات الحين دايم تتعذر ان جوالها ما فيه رصيد بس لما تسولف تكلم خواتها وتجلس معهم مدة طويلة وهي تكلمهم المقصود انها تقدر ( فيه موقف اني ارسلت لها رسالة طبعا في الأخير صرت اتبع نفس الأسلوب معها كنت اسألها عن شي سوته ولا لا عشان بحث نسويه انا وياها قلت اذا هي ماقدرت انا اسويه دام انا فاضية ردي لي انتظر وانتظر وانتظر ما صبرت رحت ودقيت عليها وكان الوقت المغرب وانا مرسلة الظهر قالت انها ماسوت شي قلت ليش ماارسلتي وخبرتيني قالت والله ان راسي مصدع قلت بنفسي وش دخل الرسالة بالصداع لما قلتلها اني كنت فاضية كان ممكن اسوي الشغل عنك قالت اوه ماعندي رصيد قبل شوي راسها مصدع والحين ماعندها رصيد قسم بالله ان البحث ثلاث ارباعه انا سويته وهي ولا شي يذكر سوته تطلع وتروح وتجي وانا حاجرة نفسي بالبيت اسوي البحث اشوف اهلي يطلعون وانا جالسة حتى بنهابة الإسبوع ولا اقول شي )هذا الموقف ولاشي عند غيرة من المواقف الثانية يوم كان صدري ضايق وامر بظروف صعبة ماتسأل و تقول وش مضيق صدري لا بس تتفرج علي وتبدا تتأفف تضيق صدري زيادة بهموم الدراسة وغيرها واخر يوم في الأختبارات طلعت على طول ما سلمت عليها ولا انتظرت يوم طلعت نتايجنا كلها انا مسكت نفسي ماتصلت قلت ابشوف تتصل ولا لا مر خمسة ايام لحد ماطلعت نتايج كل المواد تحسبونها اتصلت لا ارسلت رسالة زي العادة مو غريبة عليه مارديت جلست يومين وارسلت مرة ثانية ايقالها خافت علي وارسلت لها تقريبا قلت كل اللي بخاطري من ضمن الكلام (قلتها تتقولين المعزة بالقلب قلت وش فايدة المعزة اذا كان مافيه تواصل خلي المعزة لك )ارسلت تقول اني ضيقت صدرها واعترفت انها كتوم (وقالت اشياء ما عمرها قالت لي بس حسيت من رسالتها انها حست بكلامي والدليل انها قالت فيه مشكلة مع اخوها اللي مسافر للعراق )انا استغربت اول مرة تتكلم عن شي خاص كان دايم تسولف لي عن اشياء توهمني انها خاصة وهي ولا شي بس كرهت نفسي ماحبيت اتكلم معها بالطريقة هذي وابرسالة لأني مااعرف اعبر الناس يفهموني غلط على اني معصبة وزعلانة وانتم ممكن تفهموني كذا بس غير الكلام وتعبيري لما يكون وجه لوجه حسيت انها فهمتني غلط /هذي وحدة وفيه صديقة لي ثانية التواصل من طرف واحد بس ونفس الشي ماتكلم لا المسألة كلها رسايل برسايل (حسيت فيني شب غلط هل العيب فيني ولا في الناس ) / وفيه صديقة ثالثة تعرفت عليها الترم هذا (وهذي بكبرها جرح كبير ) تعرفت عليها بالباص معاي بنفس الكلية والقسم بس المستوى يختلف لما كنا نسولف ونتناقش احنا وباقي البنات بالباص فهمت ان مشكلتها مع الصديقات مثلي مصدومة فيهم هي تخلص وتتواصل وتاقف معهم بكل المواقف بس لما يتزوجزن ماتدري عنهم الا اذا قرب الزواج او يتنكرون لها ويقطعون العلاقة معها او نفس حالتي(انا قلت خلاص هذي نفسي ورح نكمل بعض لما تقربت لها صارت تقولي عن مشاكلها ولها اخو اكبر منها تعبان صار له مشكلة يوم كان يدرس في الخارج عصابة اعتدت عليه بالضرب وصار عليها تبعات دايم يطيح عليهم ويتعب/ وقفت معها وقفةماتتخيلون والله ماامدح نفسي اتصل عليها كل يوم واسألها دايم عن اخوها (لأن ذاك الوقت تعب ودخل المستشفى) لدرجة اني طلعت صدقة عن اخوها عشان الله سبحانه يدفع البلاء_ بدون اهلي مايدرون والله ابي الأجر من الله وما انتظر شي منها ولا من احد بس من قلبي والله سويت هالشي ولا تحسبون اقولكم هذا رياء لا والله وساعدتها في الأختبارات عطيتها كتب لي بحكم اني مخلصة المواد اللي تدرسها/ بس صار لي كذا موقف معها استهزأت فيني بشكل غير مباشر بحيث ترمي علي كلمة واقولها مين تقصدين بعدين تضيع السالفة وتقول وحدة ثانية وانا اصلا فاهمة انه انا صرت اشك انها مصادقتني عشان مصلحة اول ماعرفتها لما كنا نسولف عن الدراسة واعطيها نصايح لما اجي انزل من الباص كانت تقولي خلينا نشوفك بالجامعة قلت خلاص ان شاء الله قالت هي اي والله خل نستفيد <<<<؟؟؟؟؟؟؟ انا ا استغربت بس ماعطيت لكلمتها بال بس من بعد المواقف كنت بلحظتها احس انها مجبرة نفسها علي بس عشان المصلحة وصرت وغير كذا الظروف اللي انا عايشة فيها ويوم انخطبت هي اول وحدة علمتها حبيت اخلص لها من البداية صديقاتها ماكانوا يعلمونها الا بعد الملكة وكانت تنقهر بس انا خليتها معي من البداية بس هي مااهتمت كانت تسأل بس تحمست وش يصير ولا كانت تسأل عن ظروفي لحد الأن ماعمرها سألتني يمكن تقولون عشان اختبارات واخوها تعبان ؛؛اخوها الحمدلله طلع من المستشفى والأختبارات خلصت وهي نجحت تصدقون هي ماسألتني نجحت اولا ماسألتني عن اخوي كان تعبان وقلت لها عنه ولدرجة جبنا الأسعاف لحد البيت يمكن تقولون ماعندها رصيد فيه الإيميل انا دايم ادخل لما اكلمها تسلم وخلاص لما اجي افتح معها موضوع ماتعطيني مجال تقول انها مشغولة بعدين نكمل السالفة وعليها تسفهني بالبداية كنت لما القاها اكلمها بس مليت نفسيتي تعبت
انصدمت كثير بالناس كذبوا علي عجزت اتحمل /الرسول عليه الصلاة والسلام كان عنده بعد الله سبحانه افضل صديق له ابو بكر / انا ماتمنى احد مثل ابو بكر رضي الله عنه بس لو الربع في الإخلاص ابي احد يتواصل معي وش فيني غلط ماقصرت مع احد وانا الحمدلله ملتزمة واخاف ربي بحياتي ماكذبت عليهم ودايم اخلص واضحي لهم واللي كتبت هذا المختصر ما قلت شي مواااااااااقف كثيرة مااقدر اقولها قولوا لي وش اسوي اتركهم واتعامل معهم مثل مايسون فيني ولا وش اسوي احترت اتمنى احد بجمبي اشكي واشكيله بدون حواجز الحين انا مخطوبة الأول ماصار فيه نصيب والحين ودي اقول لهم بس ولا وحدة تستاهل ما فيهم اخلاص ودي اسألهم ايش الصداقة بالنسبة لكم
ماشلت هم لهم ولا هم اكبر همي بالدنيا ولا وقفت عليهم بس مافيه مشكلة ومالها حل وضعي معهم مايعجبني قلت لازم اسوي شي لهم معزة بقلبي كبيرة واحيانا اقول خلاص الأمل عندي خلص رح اتركهم على ماهم عليه واكمل حياتي <<<<هذا الي بالي الحين وماابي اخطي خطوة الله يعافيكم انصحوني بس تكفون لا تفهموني غلط بأني اناينة او قلبي قاسي او مااراعي ظروفهم والله مادري وش اسوي 😆 idea:
وجزاكم الله خير والله يجعلكم ذخر لأهاليكم ويجعل كل اللي تسونه في ميزان حسناتكم يارب