عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمت الله وبركاته ..
كيفكم فرووشات ؟؟ إن شاء الله بخير ياااارب
طبعاً أول مررره أكتب موضوع هنا بالرغم اني احب هالقسم .. أحب أقرا مواضيع البنات وأدعي لهم 
فيه موضوع حبيت آخذ رايكم فيه .. لأني احس ردودكم حكيمه ماشاء الله ^^
أنا ماحبيت اقول انها مشكله عشان ماكبرها على نفسي .. وعشان ابقى دائماً متفاءله بإذن الله
الموضوع ومافيه أنو قبل 9 شهور .. من شهر 2 اللي فات تقريباً اذا مو قبل
المهم ولد عمي أرسل أخته تسألني إذا بوافق عليه اذا تقدم لي او لا .. جلست يومين افكر
ورديت لهم اني موافقه .. لأني قلت ولد عمي وأولى من الغريب وبعد مابي اكسر بخاطره ..
تخيلو معي جلس تقريباً خمس شهور ونص ماجاو اهله يخطبووون ولا شي .. ولاكأن فيه شي اصلاً
أنا بصراحه ضقت من الموضوع من كثر مافكرت فيه .. تخيلي شكلك خمس شهور ماتدرين هم بيخطبون
او هونوا 🙂 .. وبعد طول انتظار جاء أبوه اللي هو عمي وخطبني من ابوي في شهر 7 اللي فات.. وقال
ان شاء الله راح نبني لهم شقه يعيشون فيها ومن هالكلام .. ابوي طبعا موافق ع الموضوع لانه مايبي يرد
اخوه .. ولان الولد عاجبه بعد .. سألني وقلت له الراي رايكم .. يمكن جلس 3 ايام ورد على عمي بالموافقه
قال ان البنت موافقه .. إلى هنا حلو الكلام 
الجزء الثاني من الموضوع هههههههههههههه
إلى الآن يابنات صار لنا الحين 3 شهور ونص .. ماجاو الحريم يكلمون امي .. ومحد يجيب طاري العرس ذا ابد
احيانا اقول يمكن نسوا 😉
وبعد ازيدكم من الشعر بيت مابعد حلل ولا بنى الشقه ولا شي .. عادي الروح سعوديه 💡
يعني من بداية الموضوع صار لنا الحين 9 شهور والله العالم انها بتكمل سنه بعد هههههه
وعشان احطكم بالصوره .. حنا يبي لنا تحاليل خاااااصه .. لأن أخوي متزوج أخته وعندهم عيال فيهم
مرض وراثي .. يعني لازم نسافر ونروح مستشفى خاص نحلل فيه ..
وهو الى الآن بقمة البروووود .. واحيانا بعد اعذره اقول يمكن عنده ظروف مايقدر يسافر ..
..لكن اللي عنده ظروف .. اقل شي يقول ترى مابي الزواج الحين عندي ظروف مانعتني صح ولا لا خاصه ان
البيت بالبيت .. لكن سكووووت + جموووود
وتخيلوا اذا سألت خواني الصغار عنه .. طبعا هم مايدرون بالسالفه .. يقولون انه من المسجد للبيت
واذا هو في البيت دااااايم عند اللاب توب .. طبعا يمدحون اخلاقه يصلي ومايدخن ..
انا قراري انه لو تأخر زياده ماراح اسكت لهم .. وبرفضه والله يصير يصير …
العمر يجري .. انا الحين باقي اربع شهور ان شاء الله ويصير عمري 27
أنتوا وش رايكم تأيدوني ؟؟؟
أو تحسون اني مكبره الموضوع ؟؟
طبعاً أستخرت الحمد لله أكثر من مره .. ودايم ادعي اذا فيه خير يكتبه ربي لي .. واذا فيه شر يبعده عني
