شوربة الدجاج بالشوفان

المقادير:
دجاجة
شوربه شعيريه كيس واحد العاديه التي تباع في الاسواق
قطعه ماجي واحده
عشر ملاعق اكل شوفان كويكر
ماء
ملح وفلفل اسود حسب الرغبة

الطريقة:
اولا نفوح الدجاجة في ماء لين ما تستوي ونضيف عليها حبات الهيل والدارسين والفلفل الاسود عشان الزفرة (الريحة) تروح عنها… بعد ما تصير ناضجة نقوم ننتفها اي نفللها شرايج شرايح كالخيوط خلاص فهمتوا…
بعدين ناخذ جدر صغير ونضيف فيه الماء الى اقل من ثلاثة ارباع واكثر من النص … ونحطه على النار ونضيف عليه الشوفان عشر ملاعق طبعا… وقطعه الماجي ونتركه على النار لين ما ينتفخ الشوفان ويلين…
وبعدها نضيف عليه الدجاج المنتف الى شرائح ويوضع عليه قليل من الملح لين ما تراه طعمه يكون جيد المذاق مثل ما يقولون ورشة فلفل اسود للطعم و بعده نخليه يطبخ تقريبا ربع ساعه بعدين نضيف عليه كيس الشوربة الشعيريه ونخليه تطبخ لين ما تستوي الشعيريه وبنفس الوقت تمسك الشوربه اي تكون غليظة …
وبعدين تقدم وبجانبها قطع الليمون الحامض

وبالهنا والعافية