عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
في سؤال من زمان ودي اسلئه بس اخاف احد يفهمني غلط
هو مثلا لو جاء رجال زين يعني اخلاق وكل موصفات فارس الاحلام 💡 بس المشكله انه عايش في منطقه ثانيه او مدينه ثانيه مو مدينه الا انتي عايشه فيها (مثلا انتي عايشه في الرياض وهو في جده)هل توافقي عليه جاوبني بكل صراحه
لان ان تقدم لي رجال الكل مدحه لي بس رفضت لان بعيد مدينه بعيده وانا خوافه كيف اتاقلم وانا مااتاقلم مع احد وغيرك كذا مواجتماعيه عشان اتعرف على ناس وجخوله وربي حسيت كثير صعب:(
والسبب الثاني هو امي انا اخر العنقود اخواتي واخواتي تزوجوا وان تزوجت خلاص بقت امي محد يهتم فيها هي كبيره في السن وفيها سكر وابوي بعد كبير ومريض فاكيف يهتم مسكين هو يبي الا يهتم فيه وخدامه ماراح تكون حنونه مثل البنت واحنا كثير نسمع عن مشاكل الخدم والهرب واخواتي مايقصروا اذا سمحت لهم الفرصه جاوا عند امي فاانا ابي اكون قريب منها وزوجات اخواني بيقولون عندها بنات وحتى لو سوا لها ماراح يصير مثل بناتها افهموا علي تكفون واخواني بعد كلهم في بيت مستقل وبقى واحد من اخواني وبعد اذا لقى بيت بيروح قريب بس قلت لكم زوجات اولاد غير عن البنات وانا عارفه الوضع عندنا مين يهتم في امي ويعطيها ابره السكر وامي تكبر ماتصغر //وغير كذا تزوجت وحده من اخواتي وسكنت بعيد وامي تحاتي وحالتها حاله يعني عارفه اني بنوتها دلوعه وتخافي علي بشكل كثير واخاف من خوف ومحتات لا سمح الله وبعيد شر عنها تعب ويصير فيها شي فعشان كذا اتمنى دوم اكون قريبه حتى لو تزوجت
هل انا الا سويت صح //اي انا استخرت الله كذا مره مارتحت رغم الكل يمدحه واهلي يقولون وافقي قلت لهم استخرت ومارتحت بعدها سكتوا ورجعت وحده من اخواتي قالت لي لان جاي عن طريقها قالت اهل الولد يبوني وش اقول لهم كل شوي تفتح معي موضوع قلت لها قولي لهم مافي نصيب
انتوا هل توافقوا واذا كان الجواب لا ليه
انتظر اجوبتكم //وترى مدري اذا موضوع هنا مكانه
