شنط المدرسة؟؟؟؟؟

السلام عليكم ورحمه الله وبركاته…….
كيف الحلوين ؟ وكيفهم مع رمضان ؟؟؟؟
المهم ..جبتلكم فكره مره خطيره وحلوة وماتكلف شي الهدف منها كسب الاجر والثواب وانو نريح الأسر المحتاجه(عن أبي هريرة رضي الله عنه قال سمعت رسول الله صلى الله عليه وسلم يقول من نفس عن مؤمن كربة من كرب الدنيا نفس الله عنه كربة من كربات يوم القيامة)
وندخل الفرحه على قلوبهم وبيوتهم:(!!!!
كيف؟؟؟ 😆 ؟؟؟؟؟ 😆 🙂 ؟؟؟؟؟؟؟ 😳 ؟
اكيد كلنا عندنا شنط مدرسه زايده في بيوتنا طيب …بعضها مره انهلك من الاستخدام وبعضها طيب وشكله جديد ونضيف وممكن كمان نغسله زياده على النضافه وكمان امكن عندنا اقلام جديده زايده والدفاتر الي كنا نستخدمها ايام الدراسه ام 80 و60 و20 افتكرتوهااااا؟ 😉 ؟ 😡 ؟
والي ما عندها ماراح يكلف عليها تشتري درزن مراسم وبرايات و مسحات…….الخ دا كله سعر بلوزه!!! اذا كانت طبعا تقدر اهم شي محد يكلف على نفسه بس مو شنط لانو الشنط تقريبا متوفره في بيوتنا الحمد لله او تتعاون هي والبنات الي في عيلتها بنات خلاتها وعماتها يعني بنات العيله وكمان صحبتها يعني ممكن ناس يجيبو الشنط من بيتهم وناس يجيبو المراسم المهم يتقسمو الشغل .
بعدين نرتب الاشياء كلها في الشنط ونحطها في اكياس ونظبطها ونحط في كل كيس شنطتين وليله العيد ان شاء الله لمن يوزعو الزكاه يوزعو الشنط معاها او اي يوم ليله العيد مجرد اقتراح .
من جد ان شاء الله الناس راح تفرح 😥 بدي الهديه 😆 اتخيلو احساس الاطفال؟؟؟ بالذات انو في غلا وكمان مقاضي العيد والمدرسه جاءت مع بعض دي السنه واكيد قبل دا كله الاجر الكبير من الله ومبحبته سبحانه وتعالى لنا ان شاء الله قال رسول الله صلى الله عليه وسلم” أحب الناس إلى الله تعالى أنفعهم للناس “ ولا تنسوا احنا في شهر رمضان شهر الخير .
اتمني تكون عجبتكم الفكره وياريت من جد دا الطلب من قلبي 😛 انكم تنشروا الفكره في مجتامعتكم واتذكرو(قال رسول الله صلى الله عليه وسلم إن الله تعالى طيب لا يقبل إلا طيبا ) ربي يسعدكم. 😎
دمتو بخير 😆 🙄