شكري العميق لثلاث فراشات ساعدوني في زواج أخوي بالرياض

مرحبااااااااااااا لأحلى فراشات في المنتدى بصراحه انا اول مره اكتب موضوع رغم اني مسجله من فتره بس حبيت اكتبلكم تجربتي في زواج اخوي اللي تم على خير يوم الأحد الماضي بتاريخ 4/5 والله يوفق كل العرسان وعقبالكم وعقبالي 😀
راح اكتب كل شي مره وحده >> اول مره اكتب شي ..
طبعآ انا من الدمام وزواج اخوي كان بالرياض وإحنا مانعرف شي بالرياض لكذا استعنت بخواتي الفراشات وبصراحه بجد الكل ماقصر والكل رايته بيضاء >> داخلين حرب عشان الرايه خخخخخخخ
اول فراشه ::
دخلت على موضوع للأخت الفراشه الرائعه ( موريانو ) وشفت شغلها واعجبني كثير وطلبت منها تسويلي سله كبيره مليانه شوكولاته مزينه بطريقتها وبصراحه ماقصرت معي عطيتها السعر اللي اقدر عليه واهي ماقصرت سوتلي سله الكل حكى فيها وانبهر منهاوبصراحه من الحوسه ماصورتها حسافه والله >> اهئ اهئ 😆 hy:
بس اذا اهي مصوره شغلها لي ياريت تنزله عشان الكل يشوف قد ايش كانت روعه يعطيكي العافيه موريانو وماقصرتي معي رغم اني تعبتك معاي 😆 🙄
ثاني فراشه ::
زواج اخوي كان دي جي مو طقاقات اوامر اهل العروس وانا افر بالمنتدى شفت موضوع للفراشه ( mosllami) عن امكانيتها لتوفير دي جي وتصوير 😐 وعلى طول اتفقت معها بدون اي تردد لان ثقتي فيها كبيره لان الكل يدور على رزقه وبجد يابنات ام محمود كانت قمه بمعنى قمه اتفقت معها على دي جي اسلامي وكان الشغل تبعها مثل مانبي طبعا الا بالنهايه خربت الدنيا ( انا مو اهي ) لما شغلنا اغاني ميوزك بس وقتها القاعه فضت ومابقى الا بنات عمامي بس والله كانت روعه كأن القاعه فيها طقاقات مو دي جي واسعارها رهيبه واللي اعجبني فيها بعد انها قعدت بالقاعه لين اخر شخص يعني بصراحه ماني عارفه وش اقول عنها والتصوير بعد اسبوعين لما يخلص واشوف الالبوم راح اقولكم شلون شكله لان طريقتها في التصوير ينم عن وحده محترفه رهيبه ياام محمود ويعطيكي الف الف الف عافيه على تحملك لي وصبرك على بنات عمي اعذريني على اسلوبهم معك 🙂
ثالث فراشه ::
( همسة فرح ) دلتني في موضوعها على كوفيره بالرياض شغلها روعه وتجي للبيوت والله يابنات سوت لي ولامي ولاختي الصغيره طلعتنا شي ثاني مشكوره همسة فرح على انك دليتيني على هالكوفيره شغلها خيال لدرجة ان عمتي ام زوجي طول الليل واهي بس تسمي علي وتقولي ان اكثر من وحده سألت عني اذا مخطوبه او لا؟؟ مو مدح فيني يابنات بس انا حبيت انقلكم تجربتي مع الكوفيره ..
وبكذا اكون وصلت جزء بسيط من شكري للفراشات اللي ساعدوني وافدت اي فراشه كان متردده في التعامل معهم وحبيت انقلكم تجربتي معهم واعملهم ( دعاااااايه ) لانهم بجد يستاهلون كل خير والله يوفقهم ويوفق كل الفراشات 😛
تقبلوا موضوعي بصدر رحب والله الله بالردود الزينه واي استفسار ماعليكم سوى السؤال وانا حاضره باي شي اقدر عليه طولت عليكم بكثر الكلام اعذروني 💡