شق العجان اثناء الولادة

مرحبا صبايا
اليوم عندي سؤال كتير قالقني.. يا ريت الي عندها معلومة تفيدني و خاصة اذا في دكتورة نسائية بناتكم
اليوم حكيت مع صحبتي الها تقريب الشهر والدة طفلها التاني
هي ولدتو طبيعي بعد عملية قيصرية بولادتها الاولى.. عشان هيك كانت تسالني كتير عن القطب لانها بتتالم منهم كتير بحكم انو هي اول تجربة ولادة طبيعية الها
اليوم حكتلي انو الالم الي كانت بتحس في طلع مو من القطب بس.. لانها كانت تلاحظ انو كان بطلع منها اخراج بس من المهبل.. و كانت كتير تستغرب 💡
و راجعت دكتورتها كذا مرة ودكتورتها تحكيلها ما في شي
لحد ما عادت تتحمل الالم من شي كم يوم و راحت على الطوارئ.. و قبل ما اتروح اخرجت عشان توريهم كيف بعد ما تخرج بنزل شي من المهبل زي الاخراج اجلكم الله
و هناك طلبودكتورتها و انصدمت من المنظر وحكت في شي غلط بس ما بعرف شو
وطلبوجراحة نسائية.. كشفت عليها و حكتلها انو اثناء الولادة شكلو صار في شق بين فتحة الشرج و المهبل من الداخل.. عشان هيك ما بين معهم
و ان هاد الشق بخلي شوي من الاخراج و الافرازات تدخل المهبل وتنزل منو
و انو ليعالجو هي الحالة بدهم يستنو كمان 6 شهور و بعديت يعملولها عملية
انا انصدمت بالحكي هاد و ما عرفت شو احكيلها.. حدا فيكم بيعرف معلومات عن هالموضوع؟