عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
اولا انا ابله بمدرسة متوسطة (اعداديه) …. وعموما انا حبوبة مره مع الطالبات واغلب الطالبات يحبون يجون يسلمون علي يسولفون معي عن قصة حياتهم و مشاكلهم <<<< صايره المحلله الاجتماعية 💡
المهم السالفه ومافيها اني من بداية السنة ملاحظة على طالبتين تربطهم علاقتهم شوي مو طبيعية …. يعني بمعنى آخر تحسين انه بينهم علاقه محرمه .. وانا سمعت عنهم من قبل بس ماعطيت الموضوع اهمية ابدا ..
لكن من بدت هالسنة وصاير مقرهم السري هو امام صفي …. وياما شفت حركاتهم لما اطوف في الممر تبع صفي مثل الاقيهم يبوسون بعض … يحضنون بعض …. وامس الي مسويه نفسها رجال يزعم نايمه في حضن الثانية ولما شافتني على طول قعدت عدل … يزعم انها خافت مني …
انا بصراحه مو ساكته عنهم و عالداخله وعالطالعه ارمي عليهم نغزات عشان اخليهم يحسون اني فاهمه وشايفه الي صاير بينهم ……
لكن الشي الي شفته امس ما ينسكت عليه ابد …. امس انا تاخرت شوي في وقت الانصراف وانا جالسه بصفي الا اسمع اصوات غريبة شوي << او ماعرف شسميها بصراحه … اول ما فتحت الباب سمعوني وعلى طوول هروبوا …. عشان ما اشوفهم
بس قلت بخاطري مابي اشتكي عليهم لان المشرفه ماعندها غير حلين ( فصل من المدرسة – او تعهد) وكلا الحلين لا يحلون المشكلة ولا شي الا يزيدون الطين بله …
المهم انا حابه اكلمهم بس مابي اكلهم وانا مو مرتبه كلام بمخي يقنعهم ان الي يسوونه غلط … انا قلت بكلمهم من الناحية الدينية ومدى حرمة هالشي الي يسوونه … بس ابيكم تسااعدوووني يا فراشات بالطريقة الصحيحة والي اقدر أأثر فيها عليهم …
وعلى فكرة ترا هالطالبتين مو من النوع الشرس او قليلين ادب … بالعكس هاديين وبشوشين بعد و لو تشوفونهم يدخلون قلبكم يعني مو زي الي مسويين روحهم بويااات ومن هالحركات هاذي …
اتمنى الاقي منكم النصايح الحلوووه يا بنات … و جزاكم الله ألف خير مقدما
