شغالتي فاقعه كبدي شورو علي؟

انا من فتره جبت لي خادمه نيباليه بحكم اني اعيش في غربه بعد عن الاهل وكمان موظفه وعندي طفلين ومافيه حضانه مناسبه لهم فاضطريت اجيب خادمه تعينني على الاطفال وعلى البيت ..

مع كثرة النصائح عن الهماله النيباليه وانهم ماشاء الله اندونيسيات الا شوي جبت نيباليه بشروط .. وللاسف وصلتي مافيها ولا شرط من اللي ابيها اولها انها ماتقرى ولا تكتب وعجوز .. قلت خيره ..
طبعا جاتني جاهله في كل شئ وشكلها كانت عايشه في عشش او جبال لاني يوم شغلت لها المكنسه انحاشت وخافت واول شهرين كله تكسر الاغراض واذا جات تفك مويه الصحه كسرتها مره حالتها مره صعبه وكنت متحملتها عشان عيالي…
ثم طلبت جوال والحت فوق راسي وعلمت زوجي ورفض لانه عارف قصص الشغالات مع الجوال وهي متى مابغت اهلها خليتها تكلم بجوالي ماعندي اي مشكله ..

المهم مع الوقت الاخت دبرت لها جوال مدري منين وكفشتها وهاوشتها وزوجي كمان وقال تبين جوال خلاص روحي للنيبال واشتغلي عند غيرنا هنا مافيه ..

وبعد كم شهر حسيت قلبها يرفرف على الجوال وتبيه ووصت اختي من ورانا تشتري لها بس اختي علمتني وقلت بستخير الله اشتري لها انا وتصير تحت مراقبتي احسن من تجيب من ورانا ..
وفعلا جبت لها جوال وقلت كلمي فيه اهلك وجماعتك وصديقاتك الشغالات اللي هنا بس رجال مافيه ..

في البدايه كنت اراقبها وبعد كم شهر انفرطت السبحه وصار جوالها مايسكت وشكيت بالوضع..
واكتشفت انها تفتح باب الشارع مع ان زوجي يطلع يوميا الزبايل كل حارتنا سوواويق مريحينها من الطلعات ومو مقصرين معها باحد ..

المهم اني اخذت جوالها يوم وكل اللي يدقون رجال هنود وبنقاليه ونيباليين وقرف واقول من هذول تقول اخواني؟ طيب اخوانك عشرين واحد؟ وكلهم بالسعوديه؟ ماشاء الله عليك ؟

وتعاند وتحلف وانا اللي اقول شغالتي عجوز وطايبه نفسه من الرجال اعوذ بالله كم واحد؟
يوم دخلت على الصادره والاقيها مدققه عليهم وفاتحتها ميانه والاخت مرسلين لها 30 بطاقه عن طريق المسج بطاقات شحن ؟؟ مقابل ايش مدري؟

المهم انا هاوشتها وقلت انتي خنتي الامانه وانا اللي جالسه شهور اقنع زوجي في النهايه تخونين ثقتي والله يستر من الي مانعرفه وسجحبته منها وقلت خلاص لاترجعين لي لانها كانت تقول بروح لاهلي شهر وبرجع بس انا طابنت نفسي منها ومن اهمالها اصلا قلبها بارد كنت ارجع من الدوام والبزر يبكي وميت من الصياح وهي ولا همها وبالمول والطلعات امسك واحد واخلي الثاني معها والتفت ما الاقيه حضرتها تتفرج وتاركتها حسبي الله عليها يعني قلبي مو مرتاح لاهمالها ابد وجات سالفه الجوال وخلاص عفتها من جد .. قلت وانا اللي افكرها غبيه طلع فيها حقها ..؟

مميزاتها :
امينه ماتسرق رغم اني مهمله واغراضي وفلوس عيالي مرميه لاحظت ماتسرق وفتشتها ماتسرق ولله الحمد ..
ماتجادل كثير دايم ساكته .. ولمن تخلص شغلها تجلس بغرفتها سرحانه وساكته اقول لها شغلي المسجل لانها ماتقرى ولا تكتب وشاريه لها اشرطه بس ماتشغل شئ ..
اقول لها لاتجلسين كذا اشتغلي كنسي نظفي كذا بتموتين من الهم والوحده بس ماهمها ..ودها تجلس ولا تشتغل ..
واكبر عيب فيها الاكل .. مسكينه تصبح وهي تاكل وتمسي وهي تاكل ماعندنا مشكله فيه العافيه بس والله الاخت صاروزنها 160 ماعاد تتحرك قلت ترى بتمرضين السمنه بتهلكك واحاول امنعها من بعض الاكل والحمد لله قدرت اوصلها ل 110 رغم انها يوم جاتني نحيفه بس شهيتها للاكل عجيبه ماتشبع رغم ان مافيها دود ولا شئ كشفنا عليها بس اكتشفت ان اغلب النيباليات كذا ..

ادري ان الشغالات غثى وهم شر لابد منه ..
انا شغل البيت قليل يادوب غرفتين بس واحتاجها اكثر شئ في الاطفال لمن اروح للشغل .. ومحتاره ايش اقدم مابي اندونيسيه ولا فلبينيه ما ارتاح لهم فاش نصيحتكم ؟