عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مساكم الله بالخير يافراشات
موضوعي وباختصار قبل ثلاثه شهور جت لي شغاله
طبعا بعد تعب واخذ وعطاء
الحمدلله جت الشغاله وكل الناس اتصلوا يهنوني عليها
طبعا طلبتها اول مره تجي السعوديه
وطيبه مع الاطفال
وهاديه
اكتملت الشروط
لكنها عنيده
وتحط راسها من راسي
ماترضى احد يقول لها اشتغلي ولا نظفي الصاله ولا كنسي
واذا قلت لها مثلا كنسي الغرفه
تطنش وتروح الحمام
ولا تكنس
وبعدها تروح تكوي
ولا اقول لها
امسحي الدولاب ولا كاني اتكلم
ااشر لها وتفهم بس تعاند
واذا ركبت السياره تقولون هي صاحبت السياره
قاعده مع الصغار تضحك وتسولف
واذا قلت لها اسكتي
تعاند
ولا كاني اتكلم
وصوتها في البيت واصل للجيران تقولون هي صاحبت البيت
مع اننا عائله هاديه جدا
وكل يومين تتعذر بمرض
ياراسي يابطني يا ارجولي
والله اني اعاملها كوحده مننا وفينا
حتى الصغار اذا اشتريت لهم شي اعطيها من الي اشتريته
واذا رحت السوق ما اخلي شي الا اشتريه لها
وعند الشغاله بنت صغيره اشتري لبنتها عشان ماتشوف بناتي وتتحسر اقول لها اذا رحتي اندونيسيا اعطي بنتك عشان تنبسط
عشان الصغار بس اخاف عليهم منها
لا تأذي احد فيهم
واخليها تترتاح بعد الغداء
واخليها تنام على راحتها
وتقوم على راحتها
انتظر الى الساعه تسعه الصباح اذا ماقامت اصحيها
والله انها بلوة
جننتني
لكن بهواها تشيل شغل البيت عني
والي يقهر اذا جو خواتي عندي
يقولون بيتك زي ماهو ماكان عندك شغاله
مايلمع
الله يعين مادروا اني قاعده وراها ادفدفها
وش الحل ياجماعه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عنيده وراسها يابس
وديتها المكتب مرتين
بس مافي فائده
والحين خلصت ثلاث اشهر
ساعدوووووووووووووووووني ياخوات
حسبي الله ونعم الوكيل
