عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
الحمد الله رب العالمين, والصلاة والسلام على اشرف الانبياء والمرسلين وعلى اله وصحبه اجمعين,,
وبعد ,,,
يوم الاربعاء الماضي كان عند الوالده عشاء وبعد العشاء جالسين نتساعد في المطبخ انا واختي وشغالتين
وحده فلبينيه والثانيه صوماليه
طبعا الفلبينيه حديثة عهد بالاسلام اما الصوماليه فمسلمه منذ نشأتها
ولما خف الشغل طلعنا انا واختي بعدين رجعت ولقيت الصوماليه تتكلم مع الفلبينيه وشدني كلامها
طبعا بلهجتها المكسره تقول:
انتي الحين مسلمه لازم تغطي وجهك وما تطلعي قدام الرجال لو ايش وتقول انا الحين اذا في رجال في البيت اقفل علي المطبخ او غرفة الملابس واخلص شغلي فيها واذا طلع الرجال رتبت باقي البيت
والتفت علي قالت صح كذا قلت ايه صح الله يثبتك
قالت شوفي احنا صح شغالات بس مو معنى كذا انو يجوز لنا الاختلاط حتى لو انا غطيت وجهي
وكان كل يوم يشوفني يمكن يكون فيني شي يميزني يمكن جسمي طولي اي شي
والشيطان يزين الحرام
قلت لها صحيح
قالت عشان كذا نهائيا ما اخرج وفيه رجال واذا طلع اخذ راحتي في البيت
انا اسوي كذا عشان ارضي ربي واهلي وزوجي
وتقول زوجي دايم يقولي انا مااشوفك لكن الله يشوفك
هنا انا بصراحه اعجبت جدا بكلامها وحرصها على ارضاء ربها واهلها وزوجها
وعفتها اللي نادرا نلقى شغاله تعف نفسها عن الرجال
رجعت للصاله سالت جارتنا كيف شغالتك؟؟
قالت تمشي الحال تعرفين بطيئه نوعا ما
قلت لا اقصد كيف هي اخلاقها قالت ماشاء الله عليها طيبه لكن تزعل اذا كثرت الشغل عليها
قلت ومع زوجك واولادك قالت مستحيل تطلع من المكان اللي هي فيه الين يطلعون او ينامون احسها تسوي كذا عشان تتهرب من الشغل
قلت الا احمدي ربك اللي رزقك بها
وقفه
*الشغاله تعتبر اجنبيه عن الرجل لا يجوز للرجل ان ينظر اليها لذلك امنعي خادمتك من الخروج امام زوجك
واولادك
*البعض يتساهل في ترك الخادمه لوحدها في المنزل وقد لا يكون فيه غير الزوج او احد الاولاد وهذه خلوه محرمه شرعا
*ازرعي مخافة الله وتقواه في قلب خادمتك فمتى جعلت الله نصب عينيها كفتك شرها
