عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاااته
شخباركم فراشاااااتي الحلوات
اليوم طابخه لكم شعيرية الارز الفلبينيه روعه وخفيفه وسهله وتصلح للي تسوي رجيم لان مافيها دهن كثير علمتني عليها كوفيره فلبينيه وعجبتني قلت لازم اسويها واصورهااا لعيونكم
والحلو فيها انك تاكلي فيها ولا تحسي بتخمه >>>>>ياكثر هذرتهاااا اخلصي
نبدا بحمد الله والصلاه على نبيه
اول شي المقادير
شعيرية الارز جزر بصل ملفوف مقطعه شرائح ماجي بهارات مشكله فلفل اسود دجاج مسلوق ومنتف >>>بامكانك اضافة كوسا مقطعه شرائح وفلفل رومي حسب الرغبه
الطريقه
اول شي اغلي في قدر ماء مع اضافة قليل من الملح وخليه يغلي على النار بعدين اقلكم ليه >>>>تسوي حمااااس
نشوح البصل ثم نضيف الماجي والبهار والدجاج
نقلبهم مع بعض
ثم نضيف الخضااار ونحرك ونغطيها شوي لين تاخذ النكهه وتذبل الخضار
الحين نجي للمويا بعد ماغلية نطفي عليها ونظيف الشعريه ونحركهااا خفيف وخليه تقريبن 5 دقائق وا الى ان تلين ….ملاحضه النار تكون مطفيه لانه بسرعه تلين
هذا الشكل بعد ماستوت اصفي المويه منها
نضيفها لدجاج ونحركهم مع بعض ونخليها شوي على النار عشان تاخذ النكهه ثم نطفي النار ونخليها على جنب
وبكذا تكون خلصت ماقلت لكم سهله وجديده… شي مهم ماتنوكل حاره حلاتها لما تكون دافيه
هذا الشكل النهائي
وبالعافيه على قلوبكم ومابي منكم الا الدعااااء 
