عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
طبعا يا صبايا قريت كتير مواضيع كيف نلون شعرنا بدون صبغه وبالحنا
قلت رح جرب هالخلطه بالحنا ورح شوف شو رح يصير
قسما بالله يا صبايا صار شعري احمر عنابي . حتى الكل سألني صابغه شعرك .. طبعا لا مو صابغه ولا بحياتي صبغت شعري لاني بحب اللون الطبيعي بدون صبغات وكيماويات
ما رح طول عليكن ورح اعطيكن الخلطه
10 ملاعق حنا
كاس خل تفاح
عصير ليمونه
2 ملاعق بن ( ملعقه صغيره )
ماء البقدونس لحتى نخلط الحنا
جيبي بقدونس واغليه بغلايه كبيره واستنيه لحتى يخرط ويبين لون المي وبعدها
خلطي المقادير كلها ببعض واتركيهن مدة 3 ساعات على الاقل ( انا عملت الخلطه الساعه 12 بالليل وضل لحد ما صحيت من النوم الساعه 10 ونص حنيت شعري )
وبعد ما تحني شعرك خليه على شعرك مده لا تقل عن 4 ساعات
واتحممي وشوفي النتيجه
اقسم بالله العظيم شعري متل المصبوغ لونه بجنن
واخيرا حبيباتي ادعولي الله يوفقني انا وخطيبي ويحنن قلوبنا على بعض ويجمعنا على خير
تحياتي
