عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته…………………………
احببت ان اذكر هاتين القصتين لعل تحصل منها الافاده ان شاء الله (سوف اذكرها بالعاميه تعرفون الفصحى مشوااااااااااار )
القصه الاولى: شجاعه امرأه: 😀
تقول هذي الحرمه لما كانت ف السوق شافت حرمه مع زوجها وخدامتها اللي تدف عربه ولدها وهم ف محل لبيع ملابس النوم (الانجري)
المهم الزوجه اختارت اللي تبيه وطلعت من المحل متجهه للمحل الثاني والزوج والخادمه ف محل الانجري ع اساس انهم يحاسبون ويلحقونها لكن ايش اللي حصل ؟؟؟
تقول فجعت لما شفت الزوج يشتري حق الخادمه قميص نوم وحاسب عليه وعلى طول الخادمه لفته بكيسته ودسته ف عربه الطفل من تحت
عاد الحرمه اللي تروي القصه تقول انقهرت ماتحملت راحت ع طوووول للزوجه ف المحل الثاني وقالت لها عن اللي شافته.
من جد امرأه شجاااااااااعه .
طيب سؤالي ع هذي القصه قبل انتقل للقصه الثانيه : لو انتي ف مكان هالحرمه اللي شافت الموقف راح تتصرفين نفس تصرفها ولا بتخافين وتقولين لا اخاف اهدم بيتها ؟؟؟؟ 😆 hy:
ــــــــــــــــــــــــــــــــــــــــــــــــــ ـــــــــــــــــــــ
القصه الثانيه: دهااااااااء زوجه. 😆
كما روت هذه الزوجه حكايتها بنفسها قائله: انا كنت ف الدوام وبالعاده ماينتهي دوامي الا ف وقت متأخر وهذاك اليوم حسيت بصداع استأذنت من دوامي وطلعت ع بيتي ابغى ارتاح ولما دخلت البيت كنت اسمع صوت ضحكات وكل ماقربت من غرفه نومي يعلى الصوت .
لقيت باب الغرفه مطرف طلت مع الباب وااااااااااااااااااااااااااااااااااو
لقت الصدمه ابو الشباب مع الخادمه وعلى سريري.
قررت تطلع وترجع لدوامها قبل لحد يحس فيهااا وفعلا اطلعت واستغربت صديقتها لما شافتها رجعت اسألتها وش فيك ؟؟؟ الزوجهةردت مافيني شي .
انتهى دوامها ورجعت للبيت وتقول عادي جداااا يعاملني ابو الشباب وكأنه ماسوى شي وهي من ذكائها ماحسسته بشي .
ظلت تفكر ف الموضوع ولين جتها هالفكره الجهنميه(وانتم ادرى بكيد النساء)
طلعت لصاحبتها وقالت لها السالفه وقالت ابغاك اتزورين لي فحص للخادمه ع ان فيها ايجز عشان اقدر اسفرها ووافقت صديقتها
فعلا ودت الخادمه وتم كل شي من فحوصات وسفرتها
ارجعت للبيت ماقالت لابو الشباب شي الين اهو سأل وين الخادمه؟؟؟ قالت له سفرتهاااا
استغرب قال ليه ؟؟؟ قالت سويت لها فحوصات وطلع معها ايجز واااااااااااااااااااااااااااااااو هناااا انصدم 
زوجها مرررررررره ايجز ؟؟؟
تقول من يوم ماعلمته وهو بس يروكع (يصلي) ودايما يبكي وماشاء الله صلاه الليل وكل شي ,خلته ع هالحاله شهر كامل ماعلمته .
تدرون ليه شهر ؟؟؟(لنو الانسان اذا تعود ع شي معين لمده شهر يسير هالشي من عاداته وماعاد يقدر يستغني عنه) سبحان الله والله دهاء النساء مو هين. (يعني بتاخذ حقها+بتصلح حاله) ربما البعض من كرهها لزوجها بتقول: بكيفه وش دخلني فيه ومن هذا الكلام . لكن اهي ممكن تكون قريبه من ربها ومارضت تخليه ع هالذنب العظيم يعني استشعرت مسؤليتها كمسلمه قبل ان تكون زوجه له .
المهم بعد الشهر نادته وعلمته بكل شي من يوم شافتهم الى ان زورت التحاليل وسفرت الخادمه.
هنا قعد يبكي ويطلب منها تسامحه . ردت عليه : ماراح اسامحك لادنيا ولا اخره الا اذا طلقتني
حاول فيها انها ماتطلب الطلاق بس اهي اصرت وفعلا حصل الطلاق.
ـــــــــــــــــــــــــــــــــــــــــــــ
الحين ابغى رايكم ف تصرف هالتزوجه ودهائها
ف هذا القسم تكثر مشاكل الخيانه ولو اختلفت ظروف كل مشكله لكن يقل تعامل الزوجات مع هالمشاكل بحكمه ودهااااااااء
لذلك تعمدت طرح القصتين لعل الذي يعاني يستفيد من هذا فعندما تؤمن المرأه بدهائها سوف تصل الى حل بعد توفيق الله .
ــــــــــــــــــــــــــــــــــــــــــــــــــ
ختاما: اتمنى الفائده لكل من قرأ مواضيعي واتمنى يتم الرد ع اسئلتي ف القصتين اريد نقاش وتفاعل
وكما العاده سأطلب ألا تنسوني من صالح دعائكم .
اختكم : ضحيت وبقلبي بكيت. 
