شبه مشكله مع زوجة ابوي ابغى رايكم

بدخل الموضوع على طول
انا الله يسلمكم متزوجه وبعيده عن اخواني وامي متوفيه الله يرحمها من اربع سنوات ومن توفت امي وابوي متزوج بوحده ثانيه تسكن مع اخواني في نفس البيت
امورنا ماشيه تمام وكثير مانتغاضى عنهابس عشان نتجنب المشاكل
اليوم اكلم اختي الصغيرة على المسن تقول واحنا نتغدى ولدها (هي بالمناسبه عندها ولدين من ابوي)
سكب كاس لبن اخوي عمره ست سنوات على الارض وقامت تهاوشه _طبعا بعد ماقام ابوي من على الغدا- انا فار دمي قمت اتصلت عليها وقلت بادب لو سمحتي اخوي ارحمي ضعفه ولاتهاوشينه طبعا
-المكالمه تقريبا سبع دقايق هذا الملخص-هي قالت ما هاوشته وانا مااعتبره الا ولدي ومن هالكلام
س الحين انا من اصدق اختي والا مرت ابوي؟
في حالة مرت ابوي صادقه وش اسوي وكيف اعتذر منها؟
الله يخليكم ساعدوني