عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اليوم حبيت اقدم لكم طريقة شاورما سهلة ولذذذذذذذيذة انشاء الله تعجبكم
المقادير:
1/ صدور دجاج مقطعة قطع صغيرة
2/ نصف ملعقة صغيرة فلفل اسود وملعقة صغيرة ملح
3/مخلل خيار مقطع مربعات صغيرة
4/ بطاطا مقطعة مربعات صغيرة نقليها في الزيت
5/ صوص الثوم والي هوه عبارة عن حبه بطاطا مسلوقة و4ملاعق كبيرة مايونيز ورشة ملح و فصين ثوم و2 ملعقة زبادي نخلطهم في الخلاط حتى تصبح ناااعمة
الطريقة
اولا ناخذ صاج او صينيه ونضع فيها ملعقتين زيت ذرة بعدين نضع الدجاج المقطع فيها ونقلبها باستمرار على النا الى ان تستوي وتتحمر قطع الدجاج قليلا يعني نقلقلها بعدين نضيف الفلفل والملح ونقلب ونطفي عليه النار
ثانيا ناخذ صينيه بايركس نضع اولا البطاطا المقطع مربعات بعد ما نقليه هاذي الطبقة الاولى
الطبقة الثانية نضع فوق البطاطا مخلل الخيار المقطع قطع صغيرة ونززعة على الصينية فوق البطاطا
الطبقة الثالثة نضع الدجاج الي قلقلناه على النار ونوزعه على الصينية
الطبقة الاخيرة نضع صوص الثوم بالكمية الي انتي تحبينها يعني فيه ناس تحبه كثير وفيه ناس تحبه قليل افردي صوص الثوم على الدجاج وزينيه بشرائح الخيار او رشه فلفل اسود الي تحبين
وتقدميها وبالهناء والعافية على قلوبكم
على فكرة تقدري تسوي نفس الطريقة بس سندويشات بدل صينية وترى اذا سويتوها راح تعجبكم وراح تدمنووون عليها:0145::0145:
