شان بحبها

يارب أحمى مصر وحافظ عليها من كيد الكائدين وشر كل خائن ومش آمــــــــــين ..
يارب صونها وأحميها بلدى اللى بحبها اللى من دمى.
وعشان بلدى وعلشان بحبها قررت نعمل حملة جميلة علشان نجملها ونلونها ونطهرها وتكون شكلها جميل وعروسة .
فبلدى عروسة العرايس وجميلة الجميلات .
هنعمل حملة واللى يحب يشارك فيها ويكون معانا وتكون معانا لنا الشرف ..
الحملة لتلوين بلدنا والفكرة جاتلى من يومين لما كل ماامشى فى الشارع الاقى كلام مكتوب على الحيطان والعواميد بشوارع اسكندرية واكيد بكل بلد وبكل حي فى شوارع مصر مكتوب فيها ….
فقولت ليه نكتب ده وهل كتابة الكلام ده هو اللى هيصلح شئ بالعكس ده افساد وفساد وجعل مصر بشكل وحش مش شكل حلو .
وليه نخلى اولادنا تشوف الكلام ده وتكره بعضهم
المعارض بيكره المؤيد والمؤيد بيكره المعارض … مع الاتنين مسلمين ومصريين فليه …
عشان كده لازم نحب بعض بجد ونخاف على البلد دى بجد ومصلحتها وحمايتها وشكلها كمان .
فكرت ان فى كل بلد يكون فيها فريق يكون نفسه فى كل شارع وكل حى وكل منطقة …
فريق بنات وشباب تاخذ الوان وترسم على الحيطان اللى عليها الكلام سواء من مؤيد ولا معارض ..
ونرسم رسومات جميلة فيها امل لبكره وحلم يتحقق قدام .
ونكتب عبارات ترفع من المعنوية وتزيد ايمان وحماس .
وبكده نبقا غيرنا بلدنا ولوناها بايدينا والكل يشوف مصر باجمل وابهى صورة .
الحملة دى هطول واكيد هتاخذ وقت طويل بس بالآخر نتيجتها هتكون حلوة وجميلة ….ايه رائيكم لو تيجوا نبدأ فيها من بعد العيد بإذن الله .
الحملة دى بعنوان / لون مصر وحياتك وعيش الحلم بجد كمان .
موافقين نلون مصر ونغير مصر ونحب مصر بجد ولا ؟؟؟؟؟؟؟؟؟؟؟

اللى موافقه وموافق يشاركنا ويراسلنا اى كان مين هو ومين هى .
حتى لو كنت مؤيد ولا معارض انتم اكيد بتحبوا مصر ..
مش مطلوب نكتب اشياء فى السياسة ولا نشتم فى حد لان دى مش اخلاقنا ولا تربيتنا مكتوب تقولى وتقوليلى فى تعليق حابة تعملى شئ لمصر بجد ولا لأ حابب تلونها بجد ولا لأ .
لو عجبتكم الفكرة تعالوا معايا وشاركونى فيها ..
ممكن تراسلونى بالرسائل فى الصفحة ..
مدربة التنمية الإيمانية
كل اللى مطلوب ارسال او اتصال بانكم عاايزين تلونوا مصر بجد وتعملوا ليها شئ وتتركوا البيانات من اسم ورقم والعمل ايه .
خلينا نكون ايد واحدة ونحب بعضنا بجد .
لون مصر وحياتك وعيش الحلم بجد كمان …….لو انت مصرى بجد ولو انتى مصرية بجد تعالى للون بلدنا بحب .
منتظرة تعليقاتكم