عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
انهرده جبت لكم سويسرول من مطبخى
المقادير
5بيضات
كوب سكر بودرة
11/4كوب دقيق
معلقه صغيرة بيكنج بودر
معلقه صغيرة فانيليا
الطريقه
حضرى صاح السويسرول وغطيه بورق زبده او فويل وادهنيه سمنه
اضربى صفار البيض والسكر والفانيليا بالمضرب لحد لما يتجانسوا
اضربى البياض لحد لما يبقى كريمى
انخلى الدقيق والبيكنج بودر
ضيفى البياض للصفار واخلطيهم سوا وبعدين ضيفى الدقيق على دفعات ومش تضيفى دفعه الا لما الاولى تختفى تماما فى الخليط
العجن يكون بمعلقه خشب فى اتجاه واحد او على شكل 8 علشان الهوا مش يخرج من العجين وتبقى هشه
لما ينتهى العجن افردى الخليط فى القالب بحيث سمكه لا يتجاوز سمواحد
دخليه الفرن الحار لمده 10دقايق وبعدين خرجيه
جهزى ورقة زبده مرشوشه سكر بودرة
اقلبى الصاج عليها واتركيه لحد لما يبرد وبعدين شليه وشيلى ورقه الزبده اللى فوق السويسرول
ادهنى السويسرول بمربى او كريمه
انا دهنته مربى فروله كميه قليله وبعدين كريمه عشان تبقى طريه وطعمها فراوله
وبعدين لفيه من الجانب العريض وبعدين لفيه فى ورق زبده جامد عشان يثبت
بعد اللف حطيه فى الفريزر وبعد ساعتين خرجيه عشان التزيين
انا كنت حطه شيكولاته فى العجينه
انا حضرت عجينه المارشيميلو
جبت المارشيميلوا وسيحته مع 3ملاعق ميا
وبعدين عملته بالسكر البودرة زى الطريقه اللى فى موضوع تزيين الكيك
وتركته بعد العجن فى التلاجه شويه
وبعدين فردته بالنشابه على سكر بودرة
وغلفت السويسرول بيه وقفلته بالميا
وبعدين رشيت عليه شيكولاته سايحه و وشيكولاته بشر وبعدين زينته بالكريمه
كنت عايزة اعمل وردات بالمارشيميلوا بس ملحقتش عشان الضيوف كانوا على وصول
المرة الجايه بقى
