عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته ,,,,,,,
أخواتي الفراشات ….
أكيد كل وحدة فينا فيها بذرة لحب الخير بس زي مايقول المثل” العين بصيرة واليد قصيرة” لاكن بفكرتك ومشاركتك معنا ممكن نسوي المستحيل …..
ولاتنسين …. إنه نبينا الحبيب صلى الله عليه وسلم قال :” إن لله عباداً اختصهم لقضاء حوائج الناس، حببهم للخير وحبب الخير إليهم، أولئك الناجون من عذاب يوم القيامة ) .
القصة ومافيها……
أنا مع مجموعة من زميلاتي نبي نسوي مشروع لجمع التبرعات ونبي أفكار لمشاريع جديدة وهذا هو المهم لأن الناس ملوا من الأطباق الخيرة والبازارات …. ونبي نسوي أشياء جديدة تشد الناس للتبرع …
طبعا المبالغ بتكون لصالح جمعية مرضى السرطان …وماتتوقعون كيف إن هذا المرض يدمر صاحبة نفسيا وبدنيا ويكفي إن الواحد يعيش في رعب الموت كل ساعة ….المشكلة إن علاجات المرض غااااااالية جدا جداااا وفيه عائلات فقيرة ماتقدر تتحمل تكاليف العلاج …
عشان كذااااااا ياأخواتي ودي ماتبخلون علي بأفكاركم حتى لوووكانت بسيطة جدا جدا …. ولاتنسين إن لك نصيب في الاجر وممكن بفكرة تحيين روح مهددة بالموت ………
من الأفكار الحالية مثلا عشان توضح الصورة لكم ..إن إحنا نسوي مهرجان ترفيهي صغيرون في حديقة أو ملاهي …. مثلا مسرحيات واناشيد ومسابقات وكذااا فقرات ويكون سعر التذاكر لصالح المرضى…..
أكيد فهمتوا الحين
ممكن نسوي أطباق خيرية وبازارات بس ودنا بفكرة جديدة …..
طبعا أي فكرة عندك حطيها وأفيدينا أو إنقلي لنا أسلوب جديد شفتيه وعجبك سواء تستهدف الأطفال مثل ماذكرت من مهرجان ومسرحيات أو تستهدف النساء من أطباق خيرية أو تستهدف الرجال والشباب ……
فشاركينا الآن … وإسئلي زميلاتك والمقربات عن أي فكرة …… ولاتنسين …بفكرة وحدة ممكن تنقذين نفس من الموت …..
