سمك الهامور المحشي من مطبخي..

ابي ادخل عالمقادير بدون مقدماااات..

المقادير:

سمك منظف و مزال الأحشاء و مفتوح للحشي ( الكمية كانت 2 كيلو و نوع السمك هامور بدون راس )

مقادير الحشوة:

بقدونس مفروم ( تقريبا” رزمة كاملة)
ليمونة مقطعة
ثوم ( حسب الرغبة)
طماطم مقطعة
كمون 3 ملاعق كبيرة
ملح
فلفل حار مقطع

الطريقة :

نظفت السمك و غسلته جيدا” من داخل و من الخارج

نقعته لمدة ساعتين تقريبا” بالملح ( ملح خفيف ) و بالليمون

جهزت الحشوة

بديت بالحشو و كل ما كانت السمكة مليانة كل ما كان أطعم

نجهز الصينية و نصب فيها كمية كم زيت وفيرة من زيت الزيتون ( لا تنصدمن من كثرة الزيت )

نجهز صحن فيه طحين ( يفضل يكون أسمر بس أنا ما كان عندي)

نجيب السمكة و نغطيها بالطحين من الجهتين و نصفها بالصينية ………

نقطع بطاط مكعبات فوق السمك
و أنا زاد عندي حشوة حطيتها فوق السمك

نضع الصينية على الغاز
أو بالفرن من تحت و نغطيه أو نقصدره

بس يتحمر من تحت ( المدة تقريبا” ربع ساعة )

نحمره من فوق

و بالنهاية

صحه وعافيه مقدما