عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم..
هاذي اول مشاركة لي بعد متابعة طويلة لمواضيعكم..
ضحكت فيها كثيرا على مشاكلكم انا واختي..
من جد وسعتوا صدرنا..
نبدا..
اولا:في احد في العصر هاذا يشيل بالحلاوة..؟؟!!
ما فهمتوا من فضيحة نانسي عجرم في المركز التجميل شئ؟؟!!
ثانيا:لوسمحتوا فضحتونا عند العالم..
الي
مؤخرتها سوادء
ومناطق حساسة سوداء
ورقبة سوداء
واكواع وركب وايدين سوداء
وباط وجهة وشفى سوداء
وش الي بقى..
وتبحثون عن حل سحري يبيض..
ويبعون عليك اوهام واحلام باالاف
يختصرونها في علبة او ابرة!!
من قال السمار واللون الحنطي والاشهب والاصفر وحتى الاسود
انو شين..
جمال الكون باختلافة
ليش كلنا نطلع بيض..
حبي نفسك..
واستغلي المقومات الي عندك..
الي عطاك اياها ربك..
لو انا فيكم عاهات ولا وجيهكم مشوهة..
بعدين
(((((استنكر العبد رجلية)))))
من الله خلقنا واحنا كذا عندنا مناطق تختلف الوانها
لايغرك خلاطات الي يحطونها
من فتح االمنتدى وانتو تحطون خلاطات وكل وحدة تقول الزود عندي
وبذمتكم ..
في وحدة كانت سوداء وطلعت بيضاء؟؟؟!!
كوني صادقة مع نفسك..
صدقوني الي من الله خلقها وهي صغيرة سمراء
ماااراح يختلف لونها..
ابحثي عن حلول قريبة لك..
لاتفكترين بدرجة اللون..ابحثي عن نضارة
سحنة..
مثلا
وردي ذهبي برونزاج..
ثالثا:
الي عندها حبوب ومشاكل في البشرة
مثل الي وجههاع قولتكم كنة صحن جريش..
ماقد مشيتي في الجامعة..
او رحتي زواج..او اي مكان عام..
وشفتي الي حولك بشراتهم تلق وانتي الوحيدة
الي صحن جريش من بينهم؟؟؟!!
(((((((((لية؟؟؟)))))))))))
انتي تاكلين غير اكلهم
الهوا الي يتنفسونة غير الي تتنفسينه..
لية..نجمات هليوود..
كلهم والعالم بشراتهم صافية ولا طلعت لهم حبة؟؟؟
ماتجيهم الدورة مثلا..!!
وانتي مابقى عطار مازرتية
ومخلصة المرة كلها..
واهلك يشتكون من المقاضي كلها لاطتها في خشتك..
وماااااااااااااااااااااااااااااااانفع..
الي ابي اوصلة..
انا وحدة مثلكم
ماني ملاك..
ماني احلا منكم ولا انا ابيض منكم..
انا من قالو لي بلغت وانا بشرتي قبت..
كنت اعاااني من حبوب الشباب..
ماكنت اطلع عزيمة..
الا وانا لاطة كيلو طحين
وكنت صغيرة والناس تتمسخرعلي..(ليش حاطة مكياج؟؟اكيد تدور العرس)
بس الي عاش هالمعناة يعرف..
اليوم انا مازلت صغيرة
لكن تجربتي كبرت..
بمعنى اني ماخليت شي الا ولطيتة..
لكن…
اكتشفت السر بدري..
كل ماسال وحدة من الي تغيرت بشرتهم..
(الي انا خابرة الوحدة فيهم وجهها خبزتميس)
قالو لي..
صلي واستغفري ينور وجهك( معليييش لو اني كافرة)
ولا الي عليس بالمرة..
عليس بالخميرة..
عليس بموية الورد..
عليس
عليس
عليس
((((عليكم الله اصدقوا مع خواتكم)))
الحل
كان ابسط من كذا بكثير..
الحل الي خلاني
اروح عزيمة من غير مكياج..
الحل
كانت حبوب الركتون
وتدرون وشي يصير
اللون موحد وزهر
البشرة قزازة
الي تقدر تاخذة تاخذة
وبعدها
سكري المطبخ
عنك مشكلة شعر مسامات انا وخواتي
والجيران العن منكم..
شغل ارقام سودانيات
وكل يوم متفصخة عند وحدة شكل..
وحلاوة وقرف..
وليتة ينفع
في نهاية لطخات زرقاء
ساعتين تشيللك
واذا انتي شيلتي 6 ساعات
وطرطشة حلاوة في كل مكان
وفرحانة انك صايرة حمراء لمدة ساعتين
وقال ايش
استمري بعد 10 سنوات
تروح المسامات
ويخف الشعر
حرااااااااااااااام عليك
لية استنى 10 السنين واحنا في زمن السرعة
ومازلات ادواتنا النشاء جليسليد فازلين
وهات ياتفريك..
بس الحل كان
الليزرررررررررررررر
يناس الليزر
الفلوس الي ضيعتها على خلطات
ولانفعت
حطيها في شي ينفع
مطفرة
تسلفي
واسالوا نانسي عجرم عن الليزر..
بعدها راح تطلعين من منتدى البشرة
الى منتدى الازياء
وراح يصير اكبر همك وش تلبسين..
ثوب يناسب بشرتك الحلوة..
وسامحوني
ع صراحتي
بس اصحوا ياناس وينا فية؟؟
