عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
شلونكم؟
بداية راح اقول لكم عن مشكلتي الي اتعذب منها
كل يوم بدل المرة الف
والله ان حتى بعض الايام الدموع تغرق المخده
من الحزن والهم والنكد
ااااااه من قلب على حياتي
اكبر وحده من خواتي متخرجه من ثلاث سنوات وجالسة في البيت
مااطلع ولااروح اسواق او مجمعات او زيارات
يمر شهر او شهرين مااشوف حتى الشارع لاأن ابوي مشغول مرره واخواني مايسوقون
صديقاتي كلهم تزوجوا وانشغلوا باعيالهم وبيوتهم
واذا زرتهم قلبي يتقطع على حالتي
سوالفهم عن العيال والزواج وحياتهم الاسريه
الي اصغر مني تزوجوا واستقروا
بالرغم من معاناتي مع هالوضع الاان مشكلتي اكبر من كذا
جدتي عندها عدواه شديده مع امي
من احد يزورنا او يجي لنا تقوم تقول ان امي طردتها
وسبتها وضربتها
مع ان امي بريئة يشهد الله ان ساكته وماتقول شي
ومع ان جدتي تسب في امي وتدعي عليها الاان امي ساكته وبالعه الضيم والقهر
جدتي كل يوم تقول اني تأخري عن الزواج وهو بسبب
ان نيه امي شينه والناس تبعدوا عنا مايبوني
وان عمتي لاان نيتها زينه بناتها مشوا في نصيبهم
تخيلوا يوميا اسمع هالكلام؟
والله اني ابكى قهر وحزن من كلامها
واذا تخانقت مع اخواني
قالت ان البنات الي اصغر مني عرسوا وانا مااحد يبيني
هل ممكن ان مايجي لي نصيب والسبب جدتي
وكلامها عن امي وانتوا تعرفون ان احنا مجتمع
يسئل عن الام قبل البنت
وامي سمعتها متشوه عند الناس
وقلبي يحترق من القهر عليها تسمع جدتي تدعي عليها ليل نهار وهي ساكته
العمر يمشي ومااحد تقدم لي
وكلامي جدتي يخليني اكره حياتي واكره عيشتي
ابوي مقطع قلبي
سمعته يقول لعمتي
ان عيال خالي مافيهم خير تزوجوا من برى العايله
وانا موجوده
ماتتخيلون كيف كلامه قطع قلبي وخلاني ابكي
اشوف في عيونه نظرة حزن اذا سمع ان وحده من البنات انخطبوا
يحاول دايما يتحاشى مواضيع الزواج اذا انا موجوده
نفسيتي صارت في الحضيض
ابكي كل يوم مع ان اتظاهر ان مب مهتمه بكلام جدتي الاان في الواقع قبل ماانام دموعي تغرق المخده
