عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بنات عندي مشكلتين
اولا: سلفتي قاعدة تسب الشغالات وتقول انهن راعيات سحر وشعوذه وفاسدات
ورجال .. الخ ويسممن الاكل وخبيثات وهذا كله اذا شافت الشغالة
تبي شغالتي تسمعها
مع انها غيرانه جدا تريد شغاله وزوجها رافض حتى قالت لزوجها انها هي اللي تشتريها
بس تريد شغاله ورفض قال ليش وش عندك من شغل جالسة بالبيت .. ماعندك غير ولد وشقه صغيرة
وماتطبخي دايم تاكلي عند الناس
ماغير شغل البيت كنس وغسيل ملابس
قالت اريد ارتاح
ورفض زوجه
واذا جت عندنا تقعد سب بالشغالات وخاصة جنسية شغالتي وتقول ملعونات وتدعي عليهن
واحيانا مااكون بالغرفة واسمعها وانا ماره
ماادري ايش اسوي معها
وسلفتي هذه تحاول تعرف ادق تفاصيل حياتي وتسأل خوات زوجي عني
وتسالني كثير وانا اطنش
وتنتقد واذا ماجاوبت على اسئلته تزعل وانا اطنش لحد ماترضى من حاله
لانه تسالني عن اشياء كثير ماتسأل
وايضا اذا كنت تعبانه وهي تحاول تشوفني وانا دايخه بنام ومافيه اخت زوجي
فتشتكي وتقول اني متكبره
ْْ&&&&
ثانيا : اخت زوجي ساكنه عندنا مو عند سلفتي
وشغالتي تشتغل وتغسل الملابس وتطبخ
المهم اخت زوجي هاليومين متسلطة على الشغالة
وتحاول تحط حرتها فيها مع ان الشغالة كويسه
انا ماابي مشاكل مع اخت زوجي خاصة انها متسلطة ومريضة نفسيا
ومره تكلمت معها عن انها ماتقول للشغالة شي فصرخت بوجهي وكبت كل شي
وانقلب اليوم مشكلة كبيرة جدا
والمشكلة قاعدة تشتكي اليوم للسلفة الغيور اللي تسب الشغالات وتريد شغالة بس ماحصلت
لان زوجه رافض
فجالسين يسبون الشغالات والشغالة تبكي اليوم وصابرة
وقالت لي وطيبت خاطرها وماادري كيف اتصرف
واذا قلت لزوجي يقلبها مشكلة كبيرة على اخته وانا مااريد ازعله ولا اريد له المشاكل
وانا احتاج الشغالة
جدا محتاجه الشغالة
دلوني جزاكم الله خير
ملاحظة : سلفتي الغيور يوميا عندي الله يكفيني شر عيونه
وحتى لو قفلت الباب تفتح له اخت زوجي اللي ساكنه عندي
واخت زوجي ماتنفاهم
الله يعين
