عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم خواتي 😐
انا الفراشه المختصه في الخضار اللي اغلبية الاخوات يبتلشون فيهم و ما يعرفون شنو يسوون بيهم واللي أغلبية الامهات ما يعرفون شلون يحببون لعيالهم بعض أنواع الخضار والفواكه
فكل مرة بييب لكم نوع من الخضار وبعطيكم طريقة حلوة لاستهلاكه ب1000 صحة وعافية 😆 🙂
المرة لطافت جبت لكم الباذنجان واليوووووووووووووووووووووووووووووووم يالله الشاطرة تقول شنو خضرة اليوم يمكن 00000والا يمكن00000000 👿
خلاص ماراح أطول عليكم اليوم بعطيكم وصفة
سلطة الشمنذرسلطة الشمنذر
المقادير :
1/2كغ شمنذر
ملعقة كبيرة من البقدونس المقطع و المفروم ناعم
ثوم مقطع ناعم (الكمية حسب الرغبة)
ملعقتان كبار من الزيت
ملعقتان كبار من عصير الليمون أو الخل الابيض
1/4ملعقة صغيرة من الفلفل الأسود
قليل من الملح
ملعقتان كبار أو أكثر من السكر (الكمية حسب الذوق)
الطريقة
اغسلي عدل الشمنذر من التراب اللي فيه من غير ما تقشرينه
اغلي وايد ماي في الجدر بعدين حطي فيه الشمندر مثل ما غسلتيه وصكي الجدر (من الأفضل لو يكون جدر الضغط)
بعد مضي 20الى 30دقيقة فتشي الجدر بس دري بالش على نفسك حبيبتي شوي شوي خاصة اذا كان جدر الضغط ترى في العجلة الندامة وفي التاني السلامة الله يحميكم كلكم خواتي الغاليات0000000000
نرجع لموضوعنا
تأكدي بطرف السفلي للسكين من طهي الشمنذر يعني السكين لازم تحسين ان الشمنذر صار ناضج اذا للحين رجعيه على النار مرة ثانية مع مراعاة مستوى الماي بعدين متى ما استوى طلعيه حبيبتي من الجدر صفيه من الماي
قشريه شوي شوي وهو للحين حار وقطعيه حسب رغبتك اما دوائر او مكعبات كبيرة أو صغيرة
جهزي خلطة السلطة المتكونة من كل العناصر المذكورة أعلاه ماعدا السكر
دمجي كل العناصر مع بعض وي الشمنذر بعد بس يوم تحطين الشمنذر شوي شوي عشان ما يتكسر كله ويصير المنظر مو حلو (العين تعشق أحيانا قبل 0000)
صبي السلطة في اناء التقديم ونتري عليها السكر ودخليها بالثلاجة تبرد للعلم الشمنذر جد مفيد للناس اللي فيهم فقر في الدم وبحكم مهنتي وصفتها لعدة مرضى خصوصا للاطفال و جابت نتيجة والحمد لله
بنتظر ردودكم والاخت اللي عندها اي مشكلة مع خضار معين ما يردها الا لسانها أختكم آمة الله في الخدمة
