عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاتة
كيفكم يا ➡
جايبه لكم اليوم سلطة غير شكل صح مقاديره عادية بس طعمها خيال
المقادير :
دجاج بدون عظم مقطع مكعبات ومحموس بالزيت و البصل والثوم والبهارات والملح والكمون
ملفوف بنفسجي مقطع اعواد رفيعه
بطاطس مقطع مكعبات ومقلي
بادنجان مقطع مكعبات ومقلي
خبز مفرود مقطع مكعبات ومقلي ( او ممكن بدل الخبز نستخدم عجينة السمبوسه نقطعها مكعبات ونقليها وتطلع مقرمشة مره ولذيذه )
الصوص :
كاتشب
زبادي
مايونيز
ملح
طحينة ( حسب الرغبه )
الطريقة :
1- نحضر الدجاج المحموس مع البصل والثوم والبهارات والكمون والملح ونحطه في طبق له غطاء ونسوي حفرة بالنص الدجاج وهو بالطبق وبعدين نجيب قطعة قصدير ونسويها على شكل فنجال ونكون قبل كذا مسوين كم فحمة على النار حتى تجمر بعدين نحط الفحم بوسط القصدير الي سوينها على شكل فنجال ونحط هذا الفنجال الي فيه جمر وسط الحفره الي في الدجاج بعدين نجيب زيت ونصبه وسط فنجال القصدير الي فيه جمر وعلى طول نحط الغطاء على الطبق ونخلية لمدة من ربع الى نص ساعه . <<<< احولت عيوني وانا اكتب هالطريقه خخ بس ترى هالمسائله سهله بس عشان افهمكم زين كثرت الكتابه .
2- نخط مقادير الصوص مع بعض بالكمية الي تشوفنها مناسبة .
3- نحط الملفوف + البطاطس + الباذنجان + الدجاج في وعادء ونقلبه بعدين نحط فوقها الصوص ونقلبها مع بعض زين وبعدين نحطها في صحن التقديم ونحط فوقها الخبز المقلي.
4- بعدين قدميها وكلي منها واذا عجبتك ادعي لي واذا ماعجبتك لا عاد تسوينها مرة ثانية أهم شي لاتدعين علي وبالعافية مسبقاً . 🙂
