ســـــــاعدونى انا مش عارفة انا متجوزة ولالا..بليز فيدونى

ميرسى جدا لكل اللى بيقرا موضوعى وبيحاول يفدنى بخبرته…واسفه جدا انى هدوشكم معايا..بس احنا هنا عشان نحاول نساعد بعض انشاء الله
انا متجوزة من حوالى سنه ونص والحمد لله متجوزة عن حب والحمد لله على اقتناع بجوزى بس اكيد مفيش حد كامل مشكله جوزى الوحيده واللى بعانى منها هو انه عنيد جدا ويمكن اهتمامه بيا مش كبير لكنه فيه صفات تانيه كويسه انا منكرش ده..ومنكرش برضو ان انا زعلتوا كتير عشان انا متسرعه جدا وردود افعالى قويه ويمكن لسانى طويل شويه لكنى بجد بحبه وبغير عليه جدا وبحاول اعمل اى حاجه بيحبها وبحب اكون مهتميه بنفسى ليه
المهم زى اى اتنين فى اول جوزهم بيحصل بنهم مشاكل وبيحصل بنهم حجات حلوة عشان لسه بنكون متعودناش على بعض ان نبقى شيلين مسئوليه وكمان عشان انا سنى صغير ولسه بدرس فا ممكن تكون حياة الجامعه شويه ماثرة عليا انى مبقاش اد مسئوليه الجواز يعنى مثلا فى اى مشكله ممكن تكون صغيره بس بتطور بالكلام والصوت العالى فا بقوله طلقنى ودى عارفه انها غلطه خصوصا انى قلتهالوا كتير وقدام ممته كمان وسعات بدخل اهلى كمان
من حوالى 3 شهور جوزى كان نايم وانا كنت سهرانه..لقيت موبيله بيرن الفجر باسم بنت انا شفت الاسم اتجننت وافتكرت ان البنت دى كان حكالى عنه انوا كان يعرفها قبل الجواز..فا انا صحيته عشان يرد قالى ايه ده اسم مين قولتله الاسم متسجل على موبيلك المهم قلتله ايه بيخليها تتصل بيك وهو انت لسه بتكلمها يعنى؟وغصب عنى كلمته بعصبيه لانى بغير عليه قالى متعليش صوتك الوقت متاخر وبعدين هو انا اللى اتصلت ولا هى قلتله اكيد مش هتكلمك وانت مبتكلمهاش قلتله اتصل بيها وافتح الاسبيكر قالى انا هكلمها واقوله حتى انتى ايه اللى فكرك بيا عشان تعرفى انى مبكلمهاش..قلتله ما هى كده ممكن تفهم ان فى حد جنبك المهم هو زعق وانا زعقت وقعد يقولى صوتك اسكتى وانا مقدرتش اسكت..ضربنى بالقلم…انا انهرت وصعبت عليا نفسى جدا المهم قلتله تعالى ودينى عند ماما انا مش هقعدلك فى البيت اانا بجد مستحقراك الراجل اللى يمد ايده على مراته ميبقاش بنى ادم ولا راجل المهم مامته طلعت من صوتنا العالى وقعدت تهدى فيا وتقولى طيب الصباح رباح..المهم سكتنا وهو نام انا مجالييش نوم خالص من منظره وهو بيمد ايده عليا طول اليوم منهارة من العياط لحد لما اغم عليا ..هو جه من الشغل لقانى مغم عليا شلنى وفوقنى وسالنى اكلت ولالا واطمن انى فقت وبعد عنى لانه حس انى هفتح معاه موضوع انى اروح عند اهلى تانى..انا انهرت تانى من العياط وممته جتلى وفدلت تهدينى وانا مش قادرة قالتلى طيب نخرج نغير جاو قولتلها مش طايقاه ولا طايقة البيت انا عايزه امشى فا هو طلع قالها فى ايه قلتلها شايفاه بارد ازاى انا مش عايزاه طلقنى طلقنى وفدلت تهدى فيا وتقولى اسكتى وانا اقولها لا انا عايزه بابا يجى دلوقتى يطلقنى منه..المهم اتصلت ببابا وجه وباباه جه وحكنلهم الموضوع قالوا هو طبعا غلط انوا مد ايدك بس انتى كبرتى الموضوع هو انتى شفتيه مع واحده المهم سالوه عندك استعداد لصلح قالهم بعد اللى قالته ادام ماما اكيد مش ناوى قالولى وانتى قلتلهم اكيد لا باباه قالى احنا قربنا على شهر رمضان مينفعش كده روحى عند باباكى يومين تهدى وانا هاجى اخدك المهم مشيت وبقالى هنا 3 شهور وهو مكلمنيش ولا مره ممته واهله كلهم كلمونى وقالولى كل ما بنفتح معاه الموضوع مش بيرضى يتكلم مع حد لانه مضايق جدا من اللى حصل..فى نص رمضان كده ماما اضيقت عليا جدا فا ضغطها على وجلها نزيف حاد وكانت هتعمل عمليه انا حسيت انى انا السبب فا اتصلت بيه قلتله انا هطلب منك انى ارجع البيت حتى لمده اسبوعين عشان ماما تحس اننا بقينا تمام عشان ضغطها ميعلاش..قالى ايه اسبوعين دى هو انا متجوزك بالمده وبعدين بيتك جوزك مش هامك وممامتك اللى هماكى يعنى انتى بتصلحينى مش عشان انتى اتغيرتى وعايزانى قالتله انا هرجع وانت اعمل اللى انت عايزه نكمل منكملش انت حر المهم وافق وكان جى هو وممته واحنا بنتكلم نتعاتب قالى المفروض تهتمى بيا وببيتك وكفايه خروج وصحاب وتليفونات قلتله اوك بس انت كمان صحباتك اللى ملهمش لزمه تقطع علقتك بيهم قالى تانى انتى مفيش فايده انتى عايزه تعيشى انتى الراجل وانا الست يلا مع السلامه..فضلت اتصل بيه اصلحه مردش…قبل العيد ماما اتصلت بيه مردش عليها فا انا اتنرفزت جدا واتصلت بممته قلتله ينفع كد؟؟قالتلى هو كان فى عزاء وموبيله كان سيلنت قبلها كنت كتبتله رساله على الفيس قلتله مش من الادب والاحترام ان ماما تكلمك متردش..قالى انا مؤدب غصب عنك قلتله هو انت هتردحلى ايه غصب عنى دى انا بس لقيتك مفتقد حاجه فى الادب قلت افهمهالك..بعتلى قالى اردحليك؟؟؟انتى اقل من انى ارد عليكى مش عايز اقرا منك زفت رسايل..ممته اتصلت قالتلى حرام عليكى هو احنا كل ما بنصلح الموضوع بتبهدليه تانى حاولى تكلميه المهم بعتله مسدج قلتله وحشتنى مردش عليا ومن سعتها مفيش جديد وانا بقالى هنا 3 شهور مش عارفه مصيرى ايه؟؟؟؟بليز ساعدونى لرجوكم انا زهقت من الضغط اللى عندى فى البيت….ومش عارفه جوزى بيعمل ايه وانا مش موجوده