عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
بعد التحيه اخواتي العزيزات
عندي لكم سائل مغذي للبشره وقسما بالله يا بنات رهييييييييييييب بمعنى الكلمه
ماأطول عليكم بقولكم المقادير:
كوب عصير بطاطس
كوب عصير خيار
كوب عصير جزر
كوب ماء الارز المغلي
م ص عصير ليمون
م ك زيت اللوز المر
2 م ك عسل
علبه بلاستيك فراوله اللي بالسوبر ماركت
شوي بقدونس يغلى بالقدر مع كوبين ماء حلو لمدة 10 د
شوي خس يغلى بالقدر مع كوبين ماء حلو لمدة 10 د
علبة حليب السعوديه ابو ريال
كوب ماء ورد
الطريقه:
تخلط جميع المقادير بالخلاط الكهربائي ثم تصب في قوالب الثلج والباقي يحفظ بقاروره في الثلاجه واذا خلصت القوالب تعبأ مره اخرى وهكذا ولازم قبل تخضين القاروره
الاستخدام:
كل يوم قبل ماتنامين غسلي وجهك ورقبتك بصابون الباباي مثلا وبعدين نشفيه وعلى طول عشان المسامات ماتتسكر سوي مساج بقوالب الثلج اللي سويتيها بتمرير قطعة الثلج على الوجه والرقبه وحتى تحت العين بحركات دائريه وبعدين خليه لين ينشف ونامي فيه واذا قمتي غسلي وجهك ورقبتك بالماء البارد فقط
ملاحظات:
اغسلي وجهك بالماء الدافئ عشان المسامات تتفتح
الفراوله تخلطينها كلها
الاكواب تكون كبيره
البقدونس والخس نخلطهم بالخلاط مع مويتهم اللي بالقدر
البطاطس والجزر تعصرينهم بعصارة الجزر
الخيار تبشرينه وبتطلع مويته لونها اخضر
واللي سوتها واعجبتها تدعيلي بتيسير الامور ان شاء الله
والمسلمين اجمعين
لاحول ولاقوة الا بالله العلي العظيم لامنجا ولاملجأ من الله الا اليه
