عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اليوم رحت مع زوجي المول على اساس بشتري لاخته هديه لانها سوت عمليه المهم لما طلعنا من المحل زوجي قال الله ياخذ عمرك طالعت فيه الا وهو عينه بوحده قام تأفف وقال يلا طلعنا مو اشترينا شغلتنا يلا نطلع من هلسوق قلت له وش سوت لك الا يقول البنت مشيتها وسخه وتتميع الله يقرفها
قمت قلت له ماعليك منها الله حسيبها خلينا شوي فيه تخفيضات
قال بس بسرعه ضغطي اتش
بس اخذنا لفه وبنطلع الدور الثاني الا نفس البنت قدامنا قامت تأشر لرجال <<<طبعا الرجال جاي يعاكس قام جاها يمشي بشويش الا تقول له تعاااال بصوت عالي ووحده كانت وراهم وكانت بتطلع الدور الثاني بلدرج المتحرك قامت نقزقت في البنت <<انا توقعتها وحده فاعله خير بتمسك البنت بتنصحها بتفضحهها الا أثاريها مع البنت تقولها اطلعو فوق الولد متلعثم يبتسم ومخترع البنت المايعه تقول انتي اطلعي حنا بنلف هنا قامت سحبت البنت ومسكت الولد من كتفه تقول يلا على فوق والبنت قامت تصيح بمياعه والولد منحرج وطلعو انا قلت لزوجي هذا خويهم قام قال زوجي ما لنا فيهم يلا طلعنا فورولي دمي
انا جاني فضول ونفس الوقت جسمي تقشعر وانا وزوجي من اول مخططين نطلع الدور اللي فوق نشتري عشا من المطاعم بعدين نمشي قلت له والله مشتهيه العشا نطلع نشتريه تالي نمشي المهم طلعنا فوق الا انا ذبحني الفضول قمت ادورهم واحنا بطريقنا للمطعم ولقيتها مع بشكه عبدات يضحكون بصوت عالي ولبسهم في العبايه فاااااصخ والولد بعيد عنهم مطلع جواله يطالع فيه ويطالع فيهم
الا هي راحت له من بينهم والعبدات يضحكون ويقولون لها يا وااااد انته قامت مسكت الولد وتعضدته ومشو
انا مرررره قلبي انفطر كل هذا صار على مرأى من الرجال اللي بلمول مطاوعه على شيوبه على رجال محد قدر يمنعهم او يبلغ عنهم الكل يطالع فيهم بقرف والكل عارف ان هذي دعااااره واضحه محد حرك ساكن لييييه احنا كذا وين ديننا ويييين مبادئنا وين قيمنا وتربيتنا ليه هذا الفساد ليه سارو البنات هم من يتلصق بلاولاد وسارت الجرأه بينهم وين حياء البنت ليه شبابنا سارو هم السلعه للبنت الولد لو شفتموووه كان متم من القهر مستحي وموطي راسه وخجلاااان سار هو البنت والله شئ محزن سرنا بآآآآخر الزمان احس بتقوم علينا القيامه احس احنا اشر العباد انا ما عندي الجرأه اني امسكهم واكلمهم لانهم مجموعه كبيره ومالهم اصل عبنده بيفصخوني وسط السوق وبتصير فضايح لمتى واحنا كذا لما قلت لزوجي اني تضايقت منهم قال ماشفتي شئ <<<لانه بلمباحث يقول والله يصير اللي يشيب براسك
فيه اكبر من كذا آآآه يارب لا تؤاخذنا بما فعل السفهاء منا
يااااارب في آخر ساعه يارب اهديهم او خذها اخذ عزيز مقتدر واجعلها ومن يسوي زيها عبره لمن لايعتبر وارنا فيهم عجائب قدرتك
انا مره تضايقت والله
وحبيت افضفض ليس الا
