سبع سنوات حب والنهايه……….

يافراشات دخلت هنا عشان اكتبلكم قصتي واتمنى اللي تعرف اجوبه عاسالتي تجاوبني وتنصحني لوجه الله وما ا بي تجريح من اي احد الله اعلم الهم كيف فيني فما ابي هم فوق همي
قصتي ومافيها اني احب واحد قبيلته قحاطين نجد حبنا استمر سبع سنوات احبه بجنون وهو يحبني اكثر وانا مو سعوديه المهم لتفقنا من زمان عالزواج وبحكم اني صغيره بالعمر كنت اقول معليش خلي براحته
المهم انا كبرت ودخلت الجامعه وهو مخلص ثانوي ويشتغل بوظيفه ب3 الاف ريال يعني ما تكفي اكله وشربه وساكن بشقق عزاب بحكم اهله مو بالرياض اناياما نصحته يكمل دراسته وللاسف مافي امل حاولت اوصله للمستوى اللي يتمناه وانا اتمناه المهم ما جمع ولا ريال هو ما شا الله تبارك الله اخلااااق يصلي بالمسجد وعمره ما دخن ولا عمره كلم بنت ولا عمره شرب وانا اول بنت بحياته وانا متاكده من هالشي المهم اللي صار اني لي 3 سنوات احاول انو يتوظف اي شي وكل ما اسمع خوياتي يقولو في مكان يوظفو في اروح واقوله ويقولي قدمت عالوظيفه ورفضوني وكل هذا وانا اشجعه وما يأست وكل يوم ادعي ربي يوفقنا مع بعض وربي يفرجها عليه والله اني ادعيله مرات اكثر ما ادعي لنفسي اااااااااااااااه بس
المهم اليوم كلمته انو في توظيف بالمكان لفلاني كاشير قالي بقولك الصراحه قلت ايش قالي حنا عندنا عيب الرجال يتوظف كاشير
ااااااااااااااااااه يابنات لو تعرفو وقتها ايش صار احس انه كل شي انتهى بلحظه سنوات وانا احاول وبالنهايه قال ايش عيب اااااااااااااااه بس مشكلته شخصيته ضعيفه وياما حاولت يكون قوي وللاسف اكتشف اليوم انه مافي شي تغير للاسف حسيت انه عمره ما فكر فيني لو فعلا يبيني كان سوى المستحيل وجلس يشتغل ليل نهار عشان بس يتزوجني انا كلمته وجرحته بالكلام وقالي ربك العالم باللي فيني قلتله اذا خفت من الناس انه يتكلمو فيك عشان الوظيفه اجل كيف كنت بتقول لاهلك انك بتتزوج اجنبيه وجلست اصيح واتكلم وقفلت بوجه الله لايبلا اي وحده فيكم الان كل احلامي انتهت سبع سنوات وبالنهايه القى انسان ضعيف للاسف انه يحبني بس انا قررت انه اليوم نهايه حبنا وشريحتي بكسرها خلاااااص ابي منكم تدعولي اني انساه وان ربي يشيلو من قلبي وغير كذا ابي اعرف اذا فعلا هالقبيله هذي بالذات هل فعلا عيب يشتغل كاشير ولا واتمنى القى اجوبه;)