عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مساء أو صباح الخير للجميع
بحكي لكم عن شعور
ماهو غريب عليكم
ويمكن أغلبكم قد عاشه أوجربه
لكن
الفرق بيننا
هو
كيف كل وحده فينا تعاملت مع هذا الشعور ؟!
اللي أنا أعتبره
مثل الضيف الثقيل
اللي الدقيقة معه تساوي ساعات
هذا الشعور
هو
الحزن العجيب
والضيقة اللي تحسين معها بعجزك عن التنفس
تحسين جبال ضخمة فوق قلبك
تحسين إنك وحيدة في هذا الكون الفسيح
تحسين إنك غريبة عن كل الناس
حتى عن نفسك
تحسين بحاجة شدية للبكاء بصوت عالي 😀
يسمع العالم كله صوتك
ويعرفون حجم حزنك
لكن
مع كل هذا
تلاقين ولادمعة تنزل
مو لأنك قوية !!
أو إنك شامخة !!
أو إنك ماتبغين أحد يشوف دموعك !!
أو إنك ماتبغين تكونين محل شفقة أحد !!
لا
لا
لا
مو عشان هاذي الأسباب السابقة كلها
السبب هو
إنك أصبحتي عاجزة عن التعبير عن حزنك
وألمك وضيقتك !!
والأدهى والأمر من هذا كله
وقت اللي تبحثين عن سبب معين بحد ذاته
واللي سبب لك الضيقة
وتكون المفاجأة
إنه مو سبب واحد
بل أسبااااااااااااااااب كثيرة
تراكماااااااااااااااات
تلاقين كثير من الناس
وقت اللي تصيبهم هاذي الحالة
يكون صعب التعامل معهم
وخصوصاً وقت اللي يكونون
أعز الناس عندك
ليش؟؟
لأن كل واحد يتعامل مع ضيقته
بطريقة يحس فيها براحته
مع العلم
إن أغلب طرقنا خاطئة جداً
وأحب أشارككم طريقتي
في تعاملي مع الضيقة
أنا من الناس اللي إذا ضاق صدرهم
وعجزوا عن البكاء
أتعامل مع الأمربأحد الطريقتين
الطريقة الأولى :
إني أعزل نفسي عن كل من حولي
لحد ماتروح ضيقتي من نفسها
أو
الطريقة الثانية :
أبحث عن أي أحد مقرب مني يساعدني على
على التعبير عن اللي مضيق صدري
ومع ذلك
آخذ وقت لحد ماتروح الضيقة
ليش ؟
لأني محتاجة شي واحد بس
هو إني أبكي
لحد ماتروح ضيقتي من نفسها
لأن البكاء علمياً يساعد على إفراز مواد في المخ
تعمل على تهدئة النفس ( سبحان الله )
لكن
أنا من النوع اللي جفت دموعي
من زماااااااااااااااااااااااااااااااااااااااااااااااا اااان
لذلك أبشركم
إن الله هداني لطريقة جديدة
والحمدلله ماعاد أنا مثل أول
وحبيت أشارككم هاذي الطريقة
لأن بنات حواء دايماً الكل يرمي عليهم بهمه
يعني صايرين مثل الحصالة لهموم العائلة
تلاقين قلبك صندوق لهموم
زوجك
أولادك
أمك
أبوك
أخواتك
أخوانك
أعمامك
أخوالك
صديقاتك
جاراتك
…….الخ
وألحين أنا صرت إذا ضاق صدري
أجري حوار داخلي بيني وبين نفسي
وأقول :
ليش أنا متضايقة !!
ألحين أنا مو أقدر أمشي
وأتحكم في حالي
وأشوف العالم
وأعيش من غير خوف
؟؟!؟؟!؟؟!؟؟!؟؟!
أجل أيش يسوي اللي مشلول
ومحبوس على سرير أبيض
والناس مالين من رعايته !!
أيش يسوون اللي ينامون على أصوات القنابل
ومايدرون يصحون بكره وإلا لا !!
أيش يسوون اللي يقعدون طول اليوم يشحتون في الشوارع عشان يؤمنون لأولادهم أكل
أو علاج !!
أيش يسوون اللي محبوسين ظلم سنيييييين وما أحد يزورهم ولا يسأل عنهم!!
أيش يسوون اللي مريضين بالسرطان ولايدرون
الموت يصبحهم وإلا يمسيهم !!
….الخ من هاذي الأسئلة
وبعد ما أنتهي من طرحها على نفسي
ألاقي الهم راح
والحزن بأمر الله تلاشى
وأبدأ صفحة جديدة مع نفسي
وأستغفر ربي
وأقول
ربي اشرح صدري ويسر أمري
وفرج هم كل المسلمين
وألحين يافراشات
😡 😆 🙁 😎
شاركوني بطريقتكم في التعامل مع حزنكم
وأنا متأكدة
إن كثير من الفراشات عندهم طرق مختلفة
بتساعد كل من تكون عاجزة عن التخفيف عن نفسها
أو ماتلاقي أحد كفو تفتح له قلبها
ودمتم بسعة صدر
والله يبعد عنا وعنكم الهموم والأحزان
