.. سالفهـ بكتني وماخلتني أنامـ ..

مادري من وين أبدأ ..

أو كيف أنسق كلامي .. صراحهـ شي يقهر .. يفقع القلب

سهرانهـ وحالتي حالهـ ماقدرتـ أنامـ

كل ماتذكرتـ السالفهـ

طار النومـ ..

هذه سالفهـ شغالة بنت خالتي

أخذتها قبل سنهـ لأنها سوت عمليهـ

والحين الحمدلله صحتها صارت تمام

واستغنت عنها

الشغالة قالت خلاص بتشتغل عند أهلي

وخلاص اتفقوا وكل شي تمام

بس في الأخير الشغالة غيرتـ رأيها

وقررت تروح المكتب عشان تشتغل في بيت ثاني

وداها كفيلها وبعد كم يوم دق يسأل ايش صار عليها

يقول صاحب المكتب عطاها لمكتب ثاني وعطاه رقمه

لما دق عليه قال شغالتك في تجربهـ وراح يبيعونها بـ 16 ألفـ

المهم ماضبطت أمورها ورجعت المكتب

دق كفيلها ع المكتب مره ثانيهـ وقال يبي يرجع شغالتهـ

قال له لا خلاص احنا بينا عقد ومادري ايش وكلام فاضي

مع انه ماوقع على عقد

الشغالهـ معها جوال تخبيه مايدرون عنهـ

دقت على كفيلها مايرد فدقت على ابوي

قالت لهـ أنه في رجال سوداني يضرب الشغالات اللي معها

قالت بترجع تشتغل عند أهلي بس يجون يطلعونها من هناك

راحوا أكثر من مرهـ للمكتب بس كل مرهـ يصرفونهمـ

أمس دقت وتقول أنه فيه شغاله حامل << يعني أنهم يغتصبونهمـ

قال لها أبوي خلاص بنجي ناخذك

شوي وتدق تقول أنهم حطوا الشغالات في باص وبيودوهم مكان بعيد << الله أعلم وين

انتهت المكالمة

جلسنا فترهـ ودق عليها بابا عشان يشوف وينها

ردت وباين من صوتها أنها تركض وتبكي

قالت أنها هربت منهمـ

بس هذا اخر شي سمعناهـ عنها

بعد فترهـ دق المكتب على بنت خالتي

وقال أنه الشغالهـ عندهمـ يجون ياخذونها

مادري ليه كذا فجأة خلوها تروح

الحمدلله جابوها عندنا

المسكينهـ تقطع القلب جت تركض وتضم بنت خالتي وتبكي

وتقول كنت بأموت ..

<< وأنا ماسكهـ العبرة غصب

صراحهـ تقطع القلب

تقول يجمعون الشغالات ويغتصبونهمـ قدامـ بعض

وهي لما هربت دخلت بيت ولقت حارس هندي خباها عنده

بس جوا 5 رجال تسلقوا جدار البيت وطلعوها وضربوا الحارس << مسكين

تقول شالوا كل ملابسها عشان يفتشونها ويشوفون هي عندها جوال أو لا

ضربوها ضرب كل جسمها صار كدمات وجروح

هي الحمدلله طلعت من هالمكان

بس والباقي ايش مصيرهمـ

تقول الشغالات يعطوهم للعزابيهـ

مايسألوا عن كرتـ عايلهـ أو غيرهـ

وكلهمـ مايعرفوا يتكلموا عربي

ايش هذا الظلمـ حسبي اللهـ ونعمـ الوكيل عليهمـ

اللهـ يعجل بعقابهمـ

هم شكلهم خافوا لما كفيلها هددهمـ انه بيجيب الشرطهـ

اذا مارجعوا الشغالهـ

ياربي واللهـ ماقدرتـ أنامـ من هالسالفهـ

شاغلهـ بالي

ودي أسوي شي

ليهـ هالإجرامـ وفي شهر الخير رمضان

ما أبي اسكت لأنه الساكت عن الحق شيطان أخرس

حرامـ أفكر في باقي الشغالات كيفـ وضعهم الحين

يعني تتغرب عن أهلها و عيالها وديرتها

عشان ظروفها كانت صعبهـ وأضطرتـ أنها تسافر لمكان ماتعرف فيهـ شي

وفي النهايهـ هذا اللي تلقاهـ

ياويلهمـ من ربي

اللهـ ينتقم منهمـ

آسفهـ طولت عليكم بس قلت يمكن في إنسانهـ

تقدر تسوي شي في الموضوع

أو أختـ عندها حل تدلني عليهـ .. //