عالم البنات النسائي كل ما يخص المرأة العربية من ازياء وجمال والحياة الزوجية والمطبخ
قريت هذا الموضوع في إحدى المنتديات ..صح
واسمحولي أني نقلتة لكم هنا
اقروه وشوفوا انتوا وين مكانة
والله بس عشان تعم الفايدة والعبرة
و صاحب الموضوع هو اللي طلب نشر السالفة..
تابعوني ..
..سالفة حصلت في ابوظبـــي (( الامــــارات ))
تعالوا بخبركم سالفه صدقيه مستويه من كم يوم في بوظبي
اثنين شباب ..من ست ايام بالضبط…شلوا عشاهم و ساروا يتعشون في شاطئ الراحه في بوظبي…
يتهم حرمه عيوز و يلست تلقط من الاكل المتنثر…قالولها يدوه انت يوعانه…قالت هيه انا من الصبح هنيه و ما كليت شي…
قالولها انزين شو يايبنج هنيه؟قالت ولدي نزلني و بيرد عليه….
المهم شلوا اغراضهم..و حسوا الشباب ان الوقت متأخر و ما يستوي يخلون الحرمه العيوز روحها فليل…
قالولها..انزين عندج رقم ولدج؟نحن بنتصل له..قالت هيه..و طلعت ورقه صغيره من مخباها…يوم طالعوا شو مكتوب
“من يجد هذه المرأه يأخذها لبيت العجزه”
انصعقوا الشباب من اللي مكتوب…و يلسوا ساعه يترجونها انها تسير معاهم….
لكنها ما رضت … و قالت لا انا بتريا ولدي..هو بيي ياخذني….تموا وياها ساعه يترجونها لكنها كانت وايد مصره ان ولدها بيي ياخذها”مسكينه ما تدري بحقارة ولدها”
المهم….روحوا عنها الشباب….
واحد منهم ما رضي يرقد….يتجلب و يفكر فيها…..
لين ا استوت الساعه 2 فليل…نش من على الشبريه و لبس ثيابه بسرعه…
و سار الشاطئ….شاف اسعاف و شرطه…هجم بينهم و سألهم عن الحرمه…
قالوله توفت…ارتفع عندها الضغط و ماتت…
ارتفع عندها الضغط على حسرتها على ولدها…تتحرى ان صار له حادث او مكروه…
الله يرحمها برحمته…مسكينه…
كتبت ها الموضوع بس عشان يشوفه ولدها على النترنت…و اما حاسه ان بيشوفه…
ارجوكم ساعدوني و انشروا ها الموضوع…
بس كلمه ابغي اقولك اياها….انت ما تخاف من ربك؟
شو عندك اهم من امك اللي ماتت من خوفها عليك…؟
و انت فارنها مثل الكلبه؟
الله يرحمها ويحسن إليها
(( وأنا أقول حسبي الله ونعم الوكيل .. الله يرحمها ويسكنها جناته ))
