سالفة الجوال فالعرس..

عندي موضوع حبيت انكم تنتبهون عليه في اعراسكم وهذي قصة صـــارت بقطر

العله الوحيده في اعراسنا الجوالات

السالفه الله يسلمكم فعرس وحده الله يوفقها فحياتها ويسعدها الحمدلله دخلت العروس ومر كل شي تمام

ويوم دخل المعرس قامت وحده حسبي الله عليها طلعت الجوال 💡 وصورت المعرس وهو قاعد عالكوشه ويا العروس

عاد في ناس جافوها وماتكلموا الله يسامحهم والحمدلله وحده نبهت خالة العروس وقالت ترى هاذي جفتها تصور

راحت لها خالة العروس وقالت لها انتي صورتي قالت بس سجلت الصوت كنت ابي زفة المعرس وخذته من عندها وهي تتكلم

وتدخل على الاستيديو وتلقى الفيديو لا بارك الله فيها مصوره الكوشه والمعرس والعروس بس ما كانوا واضحين وكان الجوال مثل ويهها جوال خدامات

وخذته خالتها وقالت تحلميين تجوفين الجوال هاج الرقم وذلفي يات ام المعرس شسالفه قالت لها هاي مصوره العروس قالت هاي خدامتي وتمت الخدامه تلحق المدام تترجاها يردون لها الجوال وهي مب معطتها ويه من الفشيله

فحبيت ان تنتبهون على خداماتكم ان شاء الله واثقين فيهم بعد الواحد ما يرضى على نفسه يصورونه فيديو وهو ما يدري على يد ناس لا يخافون ربهم جيكوا خداماتكم قبل لاتطلعون من البيت

والله يحفظكم من شر الجوالات وشر الناس اللي نفوسهم ضعيفه تصور خلق الله وهم يا غافلين لكم الله

والله يهني ويوفق كل عروس تزوجت وكل عروس مقبله على الزواج
والله يحفظكم يالغاليين