سالتكم بالله قولولي رايكم

كيفكم اعضاء منتدى الفراشه

اليوم صراحه كان عندي مشكله وقلت ماحد راح يعطيني رايه فيها الا فراشات المنتدى

بقولكم القصه وعطوني رايكم

قبل يومين واحنا بالمدرسه طبعا جالسين اانا والشله ومبسوطين عالاخر لان اختبارنا كان سهل والحمد لله
وكان فيه شلة بنات كثاريعني تقريبا فوق 17 بنت قاعدين يدقون ويرقصون يعني مافي شي كل شي طبيعي
وورا شلتنا كان فيه حوالي 6 بنات جالسين وكانت هيئتهم ماتتطمن فجاه قامو ولبسو الاشمغه الملونه
وكل وحده قامت وصلحت مكياجها وقامو ولبسوا النضارات وفكوا شعورهم عاد المدرسه كلها قامت تطالع فيهم لانهم فجعونا كانو جالسين وفجاه قامو يتكشخون وبعدين عاد ماسمعنا غير صوت كاميرة الجوال ويوم لفينا نطالع بنشوف وش فيه الا لقينا كل وحده فيهم ماسكه الثانيه ويسوون حركات ويتصورورن عاد احنا هنا وقفت كل شعرة براسنا وصرنا نطالع في بعض زي المهبولين
لهالدرجه وصلت فيهم الوقاحه انهم يتصورون كذا قدام الكل لاخوف من الله ولا خوف من احد
بعدين قامت وحده من شلتنا البنت دينه شوي راحت قالت لهم اتقوا الله مايصير اللي تسوونه
حرام عليكم ترا اول شي انتم قاعدين تتشبهون بالرجال بلبسكم ذا وثاني شي حرام عليكم تتصورون وفي مليون بنت بالمدرسه يعني لو لقطتو لها صوره راحت فيها راحو يتلفضون عليها ومن هالهرج
الا جات وجلست وقالت انا نصحتهم
وبعدين جوهوم بنات كثار ينصحونه وهم لا حياة لمن تنادي
عاد انا وصلت معي قلت لا حيا ولا حشيمه في هالبنات وقلت لوحده جنبي بشلتنا وهي صديقتي مره انا بروح ابلغ عنهم لاننا كلمناهم وهم مارضوا يفهمون عاد ورحت للادارة وقلتلهم في تصوير بالمدرسه ولو ماتتداركتوا الموضوع انتم ترا المسئولين عاد قامت المديرة وقالت لي خلاص يابنتي لاتعصبين قوليلي وين البنات جالسين وقلت لها على مكانهم راحت وقالت لي خلاص روحي واجلسي بمحلك ولا كان شي صار وانا بجي على فجاه وقالت لي لاتحسسوهم ان في شي حيصير ولا انكم قلتم لاحد عاد انا ماصدقت وقلتلها ابشري ياستاذه
ورحت ورجعت بكل براءئه وجلست بمحلي وقلت لصحبتي الحين بتشوفين وش بيصير
الا وتنط المديره ومعها اربع مفتشات الا ويوم شافوها البنات قامو وفصخوا الاشمغه ورموا النضارات ودسوا الجوالات ومره تلخبطو وصارو يغمزون لبعض ماهم داريين شو يسوون الا المديرة والمفتشات مسكو شناط النات وقامو يفتشونها شنطه شنطه هنا عاد بنات المدرسه كلهم تجمعوا حوالين المفتشات بيشفون وش بيصير الا ولقت المديرة جوال ان 96 بشنطة بنت ولقت جوال ثاني بعد كاكميرا بشنطة وحده ثانيه وبشنطة الثالثه بعد لقت جوال كامير ووحده لقو بشنتطتها ام بي بكاميرا عاد احنا كلنا قمنا تقول ضهر الحق وزهق الباطل ان الباطل كان زهوقا واخذت المديرة البنات للادارة ويوم خلاص كلن رجع لمحله قلت لصحباتي اني انا اللي رحت وصراحه كلهم ايدوني الا ثنتين جلسو يقولون لي مالك حق تروحي وتقولي قلتلهم انا مارحت الا يوم كلمناهم ونصحناهم ومانفع معهم وكذا حسيتهم زعلو وانا اشوف ان مالهم حق يزعلو لاني انا احس اني غيرت منكر
وعارفه اني ماغلطت يوم رحت وصحباتي هذول اخذو مني موقف
سالتكم بالله انا غلطت يوم رحت