عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
ارجو انكم ماتهملوا موضوعي لأني من جد ابغى رأييكم،الله يحفظكم ويبعدكم عن الشر
بدخل بالموضوع علطول انا من السعوديه
تعرفت على واحد بالنت ومره طلب رقمي ومااعطيتو وبعد فترة شفتو مره ثانيه وحكاني عن وضعه
في البيت وانا نفس الشي وارتحتله،وطلب رقمي واعطيتو واول مره احس براحه ماادري ليش؟؟
ترا يكون في علمكم قبل مااعطيه رقمي طلبت نكون اخوة ووافق،وبالفعل سمع كلامي وبالضبط
كان اخو بالنسبه ليا،خففت عنو وقت مايكون متضايق من البيت وهو نفس الشي ومايحب يآذي احد
كان حلمه تدرون ايش؟؟؟
انو يعطيني امل في الحياة عشان ماأعاني زي ماهو عانى من المشاكل اللي صارت في حياتو
كان بس يغير حياتي ويخليني متفائلة ومااستسلم،بصراحه كان اخلاقه رووووووووووووعه
وعلى فكرة ماكان يقول كلمه وسخه ولا الفاظ بذيئه ابدا،حتى مو كل يوم نكلم بعض زي مايسووا
الشباب والفتيات في هالزمن كان اتصالاتنا يمكن مره في الاسبوع غالبا.
وبعد مامر شهر،تعرفوا موقع البلياردو المشهور!!! كان يلعب هناك وطبعا انا دخلت البلياردو
عشان اختبره لأني نصحته يبعد عن بنات وعيال الحرام،وقلت خليني اشوف
ودخلت ولقيت هو يلعب مع واحد وبعدين طلب مني العب معاه ووافقت،الا شويه قال
ابغى بنت تحبني واحبها؟؟وطبعا قلتلوا انا ماعندي مانع بس ابغى اشوف ردت فعله
وبعدكذا اعطاني الرقم وقلتلوا برسللك كول مي،ولمن رسلت كول مي انفجع،لأنو عرف انو انا
اللي سويت فيه المقلب،وقعد يبكي ويقوللي انا ابغى وحده اتزوجها وانتي اعتبرك اختي زي مااتفقنا اول،قلتلو اكيد انت مجنون تدور على وحده تتزوجها في البلياردو،انا كنت خايفه عليه لأني مااضمن
انو حيختار البنت المزبوطه الا نادرا ماتحصل،واعترف اني حبيته بسبب اخلاقه معاي وماكان سيئ ابدا
وبعد المقلب ندم وماعاد سووا شي بعده ووعدني بهالشي،المشكله انو من بعد ماصارت المشكله اعترفتله اني احبه،وهو حبني بس ماكان يبغى يقول عشان انا حددت العلاقه من البدايه انها تكون اخووة،قدر الله وماشاء فعل،وطلب يتزوجني!!!!
انا بلغت امي بالموضوع وهو بلغ اهله،بس المصيبه اننا كذبنا على اهلنا في شي واحد
اللي هو كيف تم تعارفنا؟؟؟؟؟قلنا لأهلنا عن طريق وحده من صاحباتي
ارجو ان ترشدوني الى الطريق الصحيح ايش اسوي؟؟؟؟؟
لسه اهله ماردوا خبر انهم وافقوا والا لأ،بس لو وافقوا اوافق على الزواج والا لأ؟؟
انا محتارة .. بس هو طيووووب وبعد المقلب اللي صار سمع كل كلمه اقولها واحترمني
حتى بعد ماحبينا بعض والله كان كلامنا عادي يعني بس احبك وبوسات عالجوال مافي غير كذا
واتصالاتنا عاديه يعني مو بشكل مستمر،لأنو نحترم بعض ونقدر بعض،والله نيتي بس انو يكون عندي اخ
هذا اهم شي حتى لو ماتزوجنا.
اقولكم السبب اللي خلاني افتح لكم الموضوع هو انو وافق يتزوجني مع انو عارف انو امي جاويه
وبصراحه جاني خطاب على اساس بيخطبوني لكم لمن عرفوا انو امي جاويه رفضوا وانا خايفه اني اقعد من غير مااتزوج،انا احب الأطفال واتمنى هذا الشي
اتمنى انكم تتفهموني وماتهينوني لأنوا اللي صار كان مقدر لي من عند الله
ابغى رأييكم الله لايبلاكم زي ماابتلاني .. الله يحفظكم ويبعدكم عن عيال وبنات الحرام آمييييييين
