ساعدوووني اقرب انسانه ليا راح افارقها بعد شهر؟؟

بسم الله الرحمن الرحيم

انا طالبه في ثالث ثانوي,, في معلمه والله مااكذب عليكم دخلت قلبي من اول مره دخلت فيها علينا اتعلقت فيها بشكل مو طبيعي سرت استنى حصصها بفارغ الصبر وكل ماتخليني اشارك ارتبك واكون متوتره مررره
احس ساعات انها اقرب اليا حتى من نفسي وساعات احس انها ابعد ليا من السما سرت دايمن ابغى اشوفها حتى من كثر مااكون مرتبكه لمااشوفها مااسلم عليها وعلى طول انزل عيني على الارض وبعدها ابكي ندم عشان ماسلمت المهم تخيلو تعلقت فيها لمده 3 سنين ولا قتلها مشاعري وصبرت..ابدا احس انها تحس فيني بس ماتبغى تقول لانو تلاحظ عليا الارتباك لما تكلمني المهم سرت اي موقف يسير بيني وبينها اكتبه في دفتر ذكرياتي.. المشكله ماتغيب عن بالي ابدا لدرجه اني ادعي كل يوم انو ربي لايحرمني منها كل ماتسير معايا مشكله اتخيلها و اقول ياليتك كنت بجمبي عشان تساعديني احس انو اذا كانت قربيه مني راح اتغير للاحسن طبعا بس والله عانيت.. بعض الاحيان ابكي اقول ياليتها تحس فيني ..وفي الحصه ..تدمع عيوني على طووول مااقدر اتحمل وبما اني هذه السنه راح اتخرج فاانا دحين قاعده اعاني.. مابغى افارقها ابغى اذا احتجتلهاا تكون مجمبي احس انو راح تفهمني مع اني ماصارحتها بمشاعري لاني خايفه انجرح ,, خايفه تفهمني غلط.. خايفه يسير اي شيء ماابغاه.. 😀 للمعلوميه اتعلقت فيها واعتبرتها زي امي,, امي للاسف بعيده عني تزوجت وخلتنا واحنا صغار تصارع فينا الدنيا امي اللي ماحسيت في يوم من الايام انها امي ولا قد سالت عني ولاتهتم فيني.. امي اللي ماعمري نزلت من عيني دمعه علشانها.. اما هذه والله اني احسد عيالها عليها الله يخليها لهم يارب اتخيلها امي اقول قد ايش راح اكون سعيده ..ابغى اكون متواصله معاها بعد المدرسه .. خايفه من ده اليوم اللي حفارقها فيه .. احس اني راح انهار .. والله في يوم التخرج بكييييت الين ماتعبت الكل يسال اشفيكي اقول مافي شي.. والناس فرحاانين..كان كل وحده معاها امها فرحانه فيها تضمها تقلها مستنيه هذا اليوم .. وانا كنت لوحدي اتالممممم..

سااااااااااااااااااااعدوني كيف اصارحها بمشاعري واقلها اني اعتبرها زي امي وكيف اتواصل معاها بعد مااتخرج
ماودي اخسرها ابدا لانها اغلى من كل شيء عندي بالدنيا وصعب القى زيها ومستحيل كماااان..
لدرجه اني اقول اني راح اسمي بنتي على اسمها عشان خايفه انساها..

الله يسعدها يارب للي ترد عليا ويحققلها ربي كل اللي تبغاه