عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم اخواتي والله اني بموت من القهر ودي تنصحوني في مشكلتي انا اكتب لكم مشكلتي بلقب صديقي الروح بالروح لاني ما عندي تسجيل وبالاصح ما عندي ايميل لان اخواني ما يرضون بعد ما قلت لها سالفتي وهي ما عندها خبره في هذا الموضوع لانها مو متزوجه انا عايشه في بيت الكلمه الاولى والاخيره للاولاد احنا ثلاث بنات وست اولاد ثلاثه متزوجين وثلاث في البيت خواتي تزوجو وبغيت انا معهم كل شي ممنوع لي حت الانترنت حنا مشتركين فيه وكل واحد من اخواني عنده جهاز يعني في البيت ثلاثه اجهزه وانا ممنوع اجلس عليهم وحتى اذا رضو وجلست اقرأ ما عندي ايميل ولا اشارك في اى منتدى هذه حياتي في بيت اهلي طفشت وصل عمري 29 سنه ويأست قلت مستحيل اتزوج بس الله كتب لي وانخطبت خطبني واحد متزوج زوجته ما تجيب عيال وبعد يومين خطبني واحد مطلق طبعا اهلي فكرو وقالو المطلق اهون من المتزوج ووافقوا عليه وهو من عائله محترمه وله منصب كبير فتره الخطبه استمرت اقل من شهرين بحجه انه مستعجل ويبغي يتزوج مع اخوه في نفس الليله ومن الخوف من الزاوج وقله الاكل وكلام بنات خالتي الله يأخذهم خوفوني وقالو انه عنه خبره وانه ولهان ومشتاق للمرأه والله يعينك ليله الدخله مرضت يوم الزواج وبدل ما اكون في المشغل في الصباح كنت نايمه في المستسفى الين الظهر وبعدين رحت المشغل وتم الزواج وبعد ما رحت الفندق وعرف اني تعبانه سوا نفسه شهم وما صار بينا شي وفي اليوم الثاني رحنا المنطقه الى بسكن فيها لانه اهله ساكنين في منطقه واهلي في منطقه وهو يشتغل في منطقه وصلنا وبعد ما صار بينا علاقه خاصه صدمني بكلامه وقال لي انتي مو بنت والله تمنيت الارض تنشق وتبلعني وعدها لي مره ثانيه وبكيت وقلت له والله ما اعرف شي قال لي انتي مو شريفه وماضليت الى هذا العمر الى لانك مسويه شي اعترفي مع مين طلعتي اويكون مع اخوانك لانهم كلمهم شباب وقلت له انت ما اخذني من الشارع او ما سألت عنا وحتى لو غلطت مو بساهل بوافق اني اتزوج قال لي انتي ما سويتي الخطه انك تعبانه اليوم الاول علشان ما اعرف وقلت خل لتزوج مطلق يمكن ما يعرف وصاريجرحني بكلامه وصار مثل المجنون المهم خذ اغراضه من غرفه النوم وحطهم في المجلس واخذ التلفزيون من الصاله وحطه في المجلس وصار ينام فيه وما يكلمني انا استغربت من هذا التصرف وصار ينام في النهار ويسهر في الليل وان خايفه ما ادري وش اسوي خذ الجوال من عندي وقفله وخذ التلفون الثابت وحطه في المجلس واذا بيطلع فقل المجلس وحتى اذا تلاقى معي بالصدفه في المطبخ ما يحب يطالعني المهم مليت من هذا الوضع وكل يوم ما انام الا وانا ابكي مرضت وحسيت بصداع ورحت ابغي اقول له يجيب لي بندول طردني من المجلس وقال لي يا الخاينه ضليت على هذا اوضع لمده اسبوعين وبعدين جا وقال لي جهزهي حالك بوديك المستشفى علشان اعرف من متى وانتي مو بنت رفضت وقال لي خايفه بس غصب عنك بتروحين وقلت له ليش سكت لمده اسبوعين قال لي انا ما سكت علشان سواد عيونك سكت علشان الدكتوره الي بوديك لها مسافره وتوها جايه وانا خذت الجوال منك وحرمتك من التلفون علشان ما تتفقين مع دكتوره رحت معه انا ابكي وخايفه وبعد ما كشفت علي قالت له زوجتك الى الان بنت وما فض غشاء البكاره والله تغير لون وجه وانا فرحت وشرحت له الاسباب واستغربت من كلام الدكتوره تقول هذه سادس حاله تجيني لنفس السبب وقالت الله يهديكم يا شباب مستعجلين على رزقكم المهم رحنا البيت وقلت له اقتنعت بكلام الدكتوره وانا شريفه وذا الى الان مو مصدق ودني لدكتوره ثانيه وثالثه وكل الدكاتره الي في البلد انا ما عندي مانع وبعد ما اقتنع شال اغراضه من المجلس ورجع غرفه النوم وبعد يومين جا يعتذر لي ويقول انا اسف وسامحيني انا ما قبات عذره وجا ينام في الغرفه بس هو في لحاف وانا في لحاف وما اخليه يقرب مني ونومي قلق كل اخاف يقرب مني رجع التلفزيون في الصاله ويقول تعالي اجلسي معي اقول مالي نفس وكل ما شافني جالسه في الغرفه يجي يحاول يقرب مني مرضت امه ورحنا نزورها والله كل اهله انصدمون لما شفوني قالو ضعفتي والي يقول لي مريضه وانا انقهرت لما شفت زوجه اخوه سعيده وسافروا شهر العسل وهي ما شاء الله دبدوبه وانا ضعيفه ويقلون الي نبيها تضعف متنت زياده والي نبيها تمتن ضعفت زياده ولما جا وقت النوم فرشت لنا شغالتهم فراش واحد وقال لي احنا في بيت اهلي تبيني اقول لهم يجيبون بطانيه ثانيه لا تفضحينه خلي الليله تعدي على خير نمت والله اني تلحفت بعباتي من القهر قالي برد قلت له عادي ويوم شافني بردت حط علي البطانيه وانتبهت من النوم خايفه قالي لا تخافين ما اراح اقرب منش بس حسيت انك بردانه مشينا من بيت اهله وقلت له يوديني علشلن اشوف اهلي وانا ما ودي اروح علشان امي ما تشوفني بهذا الحال بس خفت انها تزعل رحت بيت اهلي والكل استغرب مني كل يقولون اشفيش تعبانه موسعيده وانا اقول ما فيني شي اتصلت على صديقتي شوق الحياه لانها هي الوحيده الي اقدر اقول لها وجات بيتنا وقبل ما تسلم علي قالت لي اشفيش مريضه انا توقعت اني اجي واشوفش فرحانه وجهش بشوش ومتنتي ما توقعت اشوفك بهذا الحاله وجهك شاحب ما فيه حيويه والي يشوفك يقول انك ما تاكلين وقلت لها مشكلتي بس ما عنده درايه عن هذا الموضوع وطلبت منها تعطيني لقبها علشان اكتب لكم مشكلتي وصدقوني لو حسيت انا خواتي يدخلون في قسم افتح قلبك كان ماكتبت علشان ما يعرف سالفتي وصديقتي المسكينه تاثرت علي وقالت تبغين تفتكين من عيشت اهلك طحتي في مشكله ثانيه و ما خلاني انام بيت اهلي بحجه انه ما يستغني عني رجعنا بيتنا وفي اليوم الثاني شرا لي هديه وكتب رساله يعتذر فيها انا ما عطيته اي اهميه واليوم بعد ما جا من الدوام والله تفجأت من عملته كنت جالسه على الكنب وجلس في الاررض وقام يبكي ويقول احب ارجولك علشان ترضين انا خلاص تعبت من هذا الوضع الله يغفر الذنوب وعبده ما يسامح قولي لي وش الي يرضيك قالت لها ما ادري قال لي انا غلطان وجرحتك بكلامي وصرت مثل المجنون الي ما يعرف وش الي يقول بس خلاص انسي وخل نفتح صفحه جديده شهر كامل وحنا في نضر الناس متزوجين بس في الواقع لا قلت لها انت السبب قال انا اعترف اني انا السبب وقام يبكي مره ثانيه وقال الي في عمري عيالهم في المدرسه وانا اتمنى اكون اب واتنمى تكونين ام عيالي وراح اعوضك عن كل شي وقال خلينا ننسى الماضي وليله يكون زواجنا وقال انا بطلع من البيت واخليك تفكرين على راحتك بس ما ابغي اجي الليه الا وانتى اخذت قرار واتمنى انك تكونين سامحتيني واتمنى اني اجي واشوف الاستقبال الحلو الي تسويه كل زوجه لزوجه وطلع من البيت وانا خذت الكمبيوتر حقه وكتبت لكم وش اسوي ساعدوني انا من النوع الي ما ينسى اذا انجرحت من اي انسان وشلون اذا كان هذا الانسان هو شريك حياتك والله على ما قول شهيد ولو تشفوني من الهم والتفكير صرت عظم وجلدما في لحم حتى ملابسي وسعت علي …….. اتمنى انكم تنصحوني يأهل الخبره ما عندي احد الا انتو وش اسوي .وآسفه على الاطاله
عن Sana ihsan
شاهد أيضاً
يابنات انا مشكلتي مشكله عويصه ساعدوني الله يخلي لكم اللي تحبونه ويحقق لكم امنايتكم
السلام عليكم ورحمة الله وبركاته كيف حالكم ان شاء الله طيبين يابنات انا مشكلتي مشكله …