ساعدوني مقهوره حدي من زوجي

بنات بجد مقهوووره وربي من زوجي

مافي احد اقدر افضفض له بكل صراحه غيركم ابغى مشورتكم

راح اقولكم قصتي من اول زواجي
انا لي 5 شهور متزوجه

بعد الزواج مشينا ثاني يوم لنقضي شهر العسل بدوله عربيه
الموهم كل ماننزل لمجمع او اي مكان نتمشى لو حتا الشارع زوجي عينه زايغه
ويقعد يناظر للبنات ويسوي حركات
انا اول يوم سكت لسى مالنا 4 ايام زواج
في اليوم الثاني رحنا مجمع والله يابنات قدام عيوني يقز بالبنات ويعطيهم ذيك النظرات الغراميه يعني لدرجة كان وكانه يتكلم هو ووحده بنظرات العيون هنا انا جن جنوني
قمت بعصبيه وقلت رجعني الشقه خلاص برجع لاهلي من بكرة تحجز لي
قال والله مو قصدي اناظر بس هم البنات يطالعون فيني
قلت تستغفلني والا ايش انا اشوفك قدامي تغامز لذي وذيك وانكر وتاسف وباس حتى رجولي بس يبغاني ارضى
قلت انت لسى ماعرفتني اذا انا مو معجبتك او ماليه عينك كل من يوح بطريق بس والله ماامدح نفسي انا جميله بشكل ونعومه حتا هو اتجنن علي يوم شافني
بس للاسف فيه هالطبع انه مستحيل يفوت اي بنت
عدى شهر العسل وانا احس بذل يعني للحين ماعرفني ولا مل مني ويغازل قدامي
رجعنا السعوديه وكل مارحنا مجمع خذيها شياكه الاخ ويقعد يغازل تهاوشت معه كثير لين صار يخفف من هالعاده ……..هذي اول مشكله

المشكله الثانيه ………
بما اني عروس ماشفت منه اي دلع تخيلو حتى بسفرتنا لشهر العسل ماشرا لي اي حاجه
والا الهدايا الي خلاني اخذهم لاهلي طبعا هو اختار والله تفشل يابنات
رجعت للسعوديه وشريت من فلوسي هدايا عليها القيمه لامي واخواتي …..
يعني بخيل بشكل فظيع

في بدايات زواجنا قلت بطلب منه ينزلني السوق ناقصتني اغراض
الموهم اخذت فستان وكذا شغله استناه يدفع
تخيلو وش سوا؟؟؟
قاللي طلعي فلوس وادفعي له

انا هنا شعور غريب !!!!!

يعني ياليته معطيني شي علشان ادفع منه
بس هو فاكر امي معطتني مبلغ فايبغاني اشتري من حسابي الخاص
يعني مو حاس باي مسوليه
انحرجت المحل زحمه فادفعت وانا مقهوره

…
يوم زيادة الرواتب
تخيلو بنات كم عطاني ؟؟؟
200 ريال
طبعا بعد ماانا قلت له ها وش بتعطيني من المكافاه
والله يابنات يوم قلت لامي واخواتي وخالاتي تفقعو ضحك علي
انا حسيت بقهر وذل
اخواتي وصديقاتي تخيلو ازواجهم ايش اعطوهم
اللي اعطاها راتب كامل واللي 3000 الاف والي طقم ذهب عليه القيمه وانا ياحسره !!!

ماادري وش اسوي معاه والله
……
الحين بيسافر للخارج واليوم دق عليه واحد من اصحابه وهو الي يروح ركض للغرفه الثانيه ويكلمه بصوت واطي
يوم جا قلت له ليش ماتكلمت قدامي قال موضوع خاص
المشكله انو هو بيروح هناك واخاف لا يجي الحرام لان صديقه ذا مايستحي
مادري وش اسوي والله قاهرني
لكن حلف لي مايجي حرام بس اذا اضطر بيتزوج زواج متعه بيمشي بعد يومين
حاسه انه بيخوني اذا وانا معه يسوي للبنات حركات كيف لحاله ووببلد المجون يارب الهمني الصبر

بنات انا الحين حامل والا كان تطلقت منه

شورو علي وش اسوي والله بموت من القهر

حسبي الله ونعم الوكيل