عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاااته
صرااحه توني اقرر اكتب مشكلتي هناا مع اني مااحب ابوح بمشاكلي في المنتدياات
بس من الضيقه اللي فيني ماني قادره استحمل تخيلوا يابنات
الحين لي عند اهلي 10 ايام زوجي معطيني اقنور متجاهلني
مع انه هو اللي مخطي علي بالكلام وانا ماقدرت استحمل مع اني ماارد عليه
تخيلوا يعايرني لأني ماحملت انا مااحب طاري هالموضوع من احد يجيبه تجيني ضيقه
وآخر شي اكتشفت انه كاتب رقمه بالبلوتوث
وداخل موقع تعارف وكاتب رقمه ويحاول في البنت انه تتعرف وانه رجال ولا راح ينكبها
ورحت لأهلي ازورهم وصار بينا سوء تفاهم وقلت له اني شفت كلامك مع البنت وشفت مراجلك مع البنات
وعصب قلب السالفه علي وهددني انه اذا دخلت على الموقع وشيكت وراه ماالوم الا نفسي
وقالي راح تشوفين اعظم من كذا
وانطقي عند اهلك سنه او سنتين
وش اسوي مع اني مندبله كبدي منه ولا ابي اسمع صوته وبنفس الوقت ابي يحس بغلطته
والله يجزاها خير اللي بترد علي
