ساعدوني قررت اتخلص من البزر الي مهدد سمعتي بطريقه سلميه مرضيه لي ولاخوي قبل يجون اهلي

السلام عليكم

اول شيء احب اشكر كل بنت وقفت معاي واعطتني حل او شاركت بدعوه بجد انكن رفعتوا معنوياتي الله يجزاكن خير

فيه كم وحده الله يسعدها تقول ربي يزوجك بالله هذا رد ^_^
ههههههههههههـ شر البلية مايضحك من جد
والله لو ميته ع الزواج كان زماني ام عيال الله يسعدكن يارب
بس وراي مشوار ودراسه واشغال كثيره

ثانيا : احب ابين لكم كذا شيء بالنسبه لموضوعي هذا طبعا والي ماصار لي الا امس العصر من كتبته تقريبـآ

طحت وبيدين بزر الله لايوفقه الواطي الي صار لي حتى بالحلم مايصير

عالفكره ياعسولات انا لي اكثر من 11 سنين اعرف النت ماني مغفله مثل ماتتوقعون ولاعمري اضفت ولد وجوال بيدي ولاعمري كلمت ..

النقطه الاولى : الي سالت عن اعمارنا

عمر اخوي وخويه يمكن داخلين العشرين

اما انا كبيرررررررره يالغلا واستحي اقول لان ماحد بيصدق انو قدر هالبزر يضحك علي

النقطه الثانيه : الي تسال عن ابوي انا ماقدر اصارحه لانه شديد وهو مو موجود مسافر مع امي برا الله يشفيها

النقطه الثالثه والاهم : اخواني الكبار كمان باشغالهم مسافرين وواحد منهم يرد اليوم وهذا الي انا خايفه منه

واخيرا : هذا اخر قرار اتخذته اليوم وكلمت اختي عنه وايدتني

طبعا لا ليلي ليل ولا نهاري نهار من صارت لي هالسالفه وانا حالي مايعلم فيها الا رب العالمين

ماتدرون قد ايش تعرفين واحد يطلع خوي اخوك الله لايبلاكم بس

من افتح ردودكن ادعي ربي كل ماتذكرت بس من اشوف وجه اخوي ينعفس كل شيء

الموهم انا يابنات قريت رد مسس مون الله يسعدها ويسعدكن وكانت مره متفاعله معاي حتى انها جلست تسولف لي عن وحده ومدري وش ومتابعه الموضوع

انا فكرت بعد ماقريت اسوي مثل ماقالت بس مو مع اخوي نفسه الي صادني لا لا

مع الي اصغر منه

لان وقت سمع هواشنا قال يالغاليه علميني منهو ايميله وانا اوعدك ماحد يمد يده مع انه صغنون بس يحبني ماخذت بكلامه بس اليوم قعدت افكر
هو طبعا صغنون البيت وهو يحبني مره ومايصدق فيني

فكرت اتفاهم معاه واقوله السالفه بحذافيرها من والى حتى السوالف الي دارت بينا تمام

وبعدها يروح ويقول لخوي اخوي لانه يعرفه
هذا انت يالنذل طلعت مو بسهل ولاكفو
(( هو يعرف خوي اخوي لانهم كان يدرسون سوا ايام الدراسه ))

ويفهممه على انه هو ويحاول يقنعه بذكر السوالف الي دارت بينا
ويفهمه انه حس انه هو بس كان يبي يسوي مقلب فيه بس اخوي خربها
ومن هالكلام

طبعـآ انا فكرت لو اقوله كل شيء الواطي راح يقتنع اتوقع ويصرف نظره عني وكمان استرد ثقة اخوي الثاني فيني

انا ابي رايكم هل اسوي كذا ولا لا

طبعا بتسألوني ليه ما اتفاهم مع اخوي نفسه الي فضحني مع خويه بقولكم لان التفاهم صعب معاه ودايم يبي يثبت رجولته علي
ليش اني اكبر منه
اما اخوي الي اصغر منه ماتووقع لو يعرف الحقيقه راح يزعل بس بعدها اتوقع يوقف معي لان اخوي صاحب الواطي بتصرفاته اثبت له اني انا بمجرد اتصاله

ابي رايكم والله يفرجها علي وعليكم

اللهم من اردني بسوء فرد كيده بنحرهـ…
الله يسترني ويستر عليكن من عيال الحرام
آمـــــــــين

حسبي الله ونعم الوكيل

(( ابي اقولكم شيء مهم انا تقريبا قدرت اقنع اخوي يغطي على السالفه بس ما اضمن اذا رجعوا اهلي مايفضحني لان خويه معاه كل يوم وراح يملا راسه كل يوم يذكر له السالفه …
ولو انتهى الموضوع بسكوت اخوي هذا معناه ان خويه تأكد له ان اخوي مغفل مايعرف عن اخته شيء واني بنت راعية سوالف وخرابيط ومو حلوه لي ولا لاهلي لان الولد مثل ماقلت لكن طلع يعرفنا ..؟! ))

(( انا فكرت انو بهالحل اقدر اسكت الطرفين ))