ساعدوني في مشكلتي .. تعبت كثير والله ..,

انا لي فتره كنت حابه اكتب لكم عن مشكلتي
بس اتردد واقول ان شالله احلها ,, لكن الى الان لم اجد حلا
فاتمنى من الله انكم تساعدوني مالي غيركم بعد الله

مو عارفه من وين ابتدي بالحكي

انا انسانه صارت لي مواقف كثيره في هالحياه لدرجة اني كرهت كل شي
وتغيرت شخصيتي من الاحسن الى الاسوؤ وطبعا ماحد فاهم علي

طبعا التغيير كان من سببين
1. هي وفاة ابوي , وطبعا بدأ التغيير بعد بسنه من وفاته لاني كنت متعلقه كثير في ابوي
كان معطيني كل شي احتاجه , ومسعدني , وبس اضيق ينسيني همي
كنت احس بامان كبير لدرجه كنت اصحى وانام ماافكر بشي ..,
وكنت واثقه من حالي واواجه كل شي يعني شخصيتي كانت جدا حلوه بس بعد وفاته تغيير كل شي ..

2. والسبب الثاني هو الغدر فيني من اخوي اللي استغل مراحل ابوي الاخيره واستغل اهتمام امي في ابوي وانا مالوم لا امي ولا ابوي ولا احمل احد منهم هالشي … (( مابيكم تقولون عدم اهتمام منهم )) …
وطبعاعمل فيني أسوء عمل خلاني الى الان اعاني من اثار هالشي وكرهت الرجال كثير
واكرهه بعد .. طبعا كنت صغيره ماافهم اي شي عن اللي عمله .. كان مايتجرأ يغلط علينا لان ابوي
مفهمه انه لازم يحترم اامه واخواتها اللي اكبر منه .. بس هو يسمع للناس اكثر من اهله .. ولما طاح ابوي غدر فيه وخانه وخان اخته … ولما توفى صاير يتمرجل علينا ويغلط ونسى اللي كان ابوي يقوله ..,
يعني إتأذيت من سند الوحيد اللي هو اخوي الوحيد .. طبعا احنا اربع بنات وهو الخامس ..

طبعا انصدمت كثيرررر ومابينت هالصدمه الا بعد سنه …, واستمرت وكبرت الى الان ..,
في البدايه صرت اعتزل الناس ماحب العزايم , والاجتماعات الكبيره , الشي اللي كنت احبه
هو البيت واهلي .., وصاحباتي في المدرسه .., طبعا ماتدهورت شخصيتي كثير ..,
حاولت فيني كثير امي الله يحفظها لنا يارب بس مافي امل …,

وخلصت مرحلة المتوسطه كنت متفوقه في دراستي وكنت الاول ع دفعتي كالمعتاد
وبعدها الثانويه وبقي تفوقي حتى انتهيت منها .., بس بدت تتغير شخصيتي الى اسوء
من ثانيه ثانوي الى الان .., وكل سنه اسوء من اللي قبلها .., صرت انطوائيه كثير
حتى في المدرسه صرت حزينه وتعبانه .., بس صاحباتي الله يخليهم (( كانوا اخر قروب كبير اعيش معه )) كانوا يحاولون فيني مع اهلي بس ماكان فيه أمل … وتخرجت متوفقه وتعبانه ..,

بدايه مرحلة الجامعه كانت بداية انهيار بالكامل .., حاولت اكون قويه بس ماقدرت ..,
عشت اربع سنوات بدون صديقاتي اللي اعرفهم .., ماكنت اقدر اتعرف ع احد ..,
تعرفت ع بنتين وحده اتزوجت وتركت الدراسه وبقيت مع الثانيه الى الان وكانت اروع انسانه ..,
كانت تساعدني في حل مشاكلي ., وتساعدني في دراستي اللى صرت ماهتم فيها ..,
يعني بعد تفوق صار المهم عندي انجح ع الحافه بس المهم تخلص السنوات …,
يعني لو اكتب من الان الى السنه الجايه ماراح اوفيلها حقها .., ولازالنا ع تواصل الى الان ..,
طبعا كنت اروح للجامعه وارجع للبيت ابكي مخنوقه ع الاخر ,, كنت افكر اترك الدراسه بس
كنت خايفه من امي تزعل علي وكنت ابي ارفع راسها .., بس الحمد لله تخرجت ع خير ..,
وكان الدافع في بقائي امي و صديقتي و3اساتذه في الجامعه كانوا يعطوني اهتمام رائع ..,

يعني شخصيتي في الجامعه وفي الحياه عامه عدم عدم عدم .., صرت اخاف وكلامي قليل وماحب
المشاكل والصوت المرتفع صرت اذا اسمع مشكله اهرب او اتفرج ع التيفي المهم ابعد عن الواقع..,
نومي صاير كثير وحكي قليل واي احد يسألني عن رأي اقول ماعرف يعني مالي راي ..,
ماحب اواجه احد غريب .., وماحب احكي ع التلفون مع الغرباء …, اي خبر في العالم يخوفني ..,
صرت مو واثقه في نفسي ولا في تصرفاتي وحساسه كثير .., صاير ماعندي فضول لاي شي يعني
اهلي حين يحكون سواليف حريم ماصرت اهتم .., صايره انسى ومو مهتمه في شي .., صرت بس نوم وجلسه ع التيفي ….طبعا هالمشاكل اضافة للمشاكل السابقه اللي ذكرتها ..,

اما مع اخوي سالفه ثانيه ..
صاير يتمرجل علينا ويغلط ويرفع صوته وخاصة علي.., طبعا ماقدر ارد عليه .., لانه فاهم المرجله غلط
واللي حوله يزيدون ويحرضونه علينا .., والله يابنات اني اكرهه حيل وكرهني في الرجال كلهم
بس والله ماقدر اتحسب عليه لانه يبقى اخوي ومهما عمل فيني يبقى اخوي .., ,واناني وكل شي يبيه يجيبه واذا انا طلبت لا وفلوس ومدري ايش ويتمسخر علي وانت مالك شخصيه والله تعامله معي غير تعامله مع اخواتي ..,واذا يبي استشاره في امر يجيني بحكم اني مطلعه ع امور كثير وبس يخلص يغلط علي .., وكم مره اقول ماراح اعطيه وجه بس ارجع واتكلم معه بس مافي فايده .., وكل مااشوفه اتذكر انه سرق مني حياتي وخلاني مكسوره وهو مبسوط … (( طبعا هو معي كذا بس .., بس مع اخواتي وطلباتهن مايرفض )) والله اني كل يوم اموت قهر منه ..,
ولما جا واحد خطبني مامدحوه ورفضته لاني اكره الرجال من بعده والزيجات اللي شفتها كلها فاشله .., خفت اتزوج واطيح في واحد مثل اخوي قليل ادب ومايفهم اللي صار لي وانا صراحه جدا مكسورة وخايفه يذلني اكثر واخاف ماتزوج واصير تحت رحمته وانا عارفه بس يتزوج راح يطولني اذاه ..

مو عارفه ايش اسوي
والله يابنات اني تعبت كثيررررررررررر احس منهاره
وفيه اشياء كثيره فيني بس راح بيطول الحكي .., مع العلم ان الجو العائلي تمام يعني خواتي شخصياتهم رائعه وموظفات وناجحات ومتزوجات وامهات ماشاء الله الله يحفظهم يارب ..

اللي ابيه منكم
1. انكم تدعون لي بإن ربي يوجهني ع الخير ويطرح السعاده فيني
2. تعطوني شي يطور شخصيتي ويرجع ثقتي او دكتور اقدر اتواصل معه ع الايميل او نصائحكم
3.تعطوني حل او طريقه اتعامل فيها مع اخوي
رجاااااااااااااااء
مابيكم تدعون ع اخوي لانه يبقى اخوي وماتلومون احد من والديني لانهم مالهم اي ذنب
ومابي اي تعليقات مالها اي داعي …, لان سبب طرحي هو مساعدتي مو لوم والدعاء